Jean-Paul Sartre (ranak di Paris, Prancis, 21 Juni 1905 – habis umur di Paris, Prancis, 15 April 1980 pas umur 74 tahun) adalah saikung filsuf kontemporer wan panulis Prancis.
Inya dipadahakan mangambangakan aliran eksistensialisme. Sartre manyambat, eksistensi badahulu ada dibanding esensi (L'existence précède l'essence). Artinya, manusia kena baisi esensi lamunnya inya sudah eksis badahulu wan esensinya ngitu kena cungul haratan manusia habis umur. Lawan kata lain, manusia kada baisi napa-napa haratan diranakan wan salawas inya hidup inya kada labih adalah hasil kalkulasi matan kumitmen-kumitmennya pas masa sabalumnya. Ulih karana nitu, manurut Sartre imbahnya, sabuting landasan nilai nang ada adalah kebebasan manusia (L'homme est condamné à être libre).
Jean-Paul Sartre | |
---|---|
Lahir | 21 Juni 1905 Paris, Prancis |
Meninggal | 15 April 1980 (umur 74) Paris, Prancis |
Pekerjaan | Penulis, filsuf |
Aliran sastra | Eksistensialisme, Marxisme |
Tema | Metafisika, Epistemologi, Etika, Politik, Fenomenologi, Ontologi |
Haratan tahun 1964, inya dijulungi Hadiah Nobel Sastra, tatapi Jean-Paul Sartre manolak. Inya habis umur pas 15 April 1980 di sabuting rumah sakit di Broussais (Paris). Upacara inya maninggal didatangi ulih kurang labih 50.000 urang.
Pasangannya adalah saikung filsuf binian bangaran Simone de Beauvoir. Sartre banyak maninggalakan karya panulisan di antaranya bajudul Being and Nothingness (ada wan katiadaan)
This article uses material from the Wikipedia Bahasa Banjar article Jean-Paul Sartre, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Konten tersedia di bawah CC BY-SA 4.0 kecuali dinyatakan lain. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Bahasa Banjar (DUHOCTRUNGQUOC.VN) is an independent company and has no affiliation with Wiki Foundation.