dr.
Endang Rahayu Sedyaningsih, MPH, DR.PH (diranakakan di Jakarta, 1 Pibuari 1955 – habis umur di Jakarta, 2 Mai 2012 pas umur 57 tahun) adalah Mantri Kasihatan di Kabinit Indunisia Basatu II nang manjabat mulai 22 Oktubir 2009 sampai 26 April 2012. Sabalumnya sidin suah manjabat sabagai Kapala Pusat Panalitian wan Pangambangan Biomedis wan Parmasi, Badan Penelitian wan Pangambangan Depkes.
Endang Rahayu Sedyaningsih | |
---|---|
Mantri Kasihatan Indunisia ka-17 | |
Masa jabatan 22 Oktober 2009 – 26 April 2012 | |
Presiden | Susilo Bambang Yudhoyono |
Didahului oleh | Siti Fadilah |
Digantikan oleh | Nafsiah Mboi |
Informasi pribadi | |
Ranak | 1 Pibuari 1955 Citakan:Negara Jakarta, Indunisia |
Habis umur | 2 Mai 2012 (umur 57) Citakan:Negara Jakarta, Indunisia |
Kabangsaan | Indunisia |
Laki/bini | Dr. Reanny Mamahit, SpOG, MM |
Anak | Arinanda Wailan Mamahit Awandha Raspati Mamahit Rayinda Raumanen Mamahit |
Alma mater | Universitas Indunisia Harvard School of Public Health |
Endang madapat galar sarjana di Fakultas Kadukturan Universitas Indunisia tahun 1979 wan galar magistar wan duktur matan Harvard School of Public Health.
Endang mamulai karirnya di tahun 1979 sabagai duktur di Rumah Sakit Pertamina Jakarta. Inya bagabung lawan palayanan kasihatan masyarakat di tahun 1980 wan bagawi di dairah padalaman sabagai Kapala Puskismar Waipare di Nusa Tanggara Timur tiga tahun lawasnya.
Tahun 1983, inya pindak ka Jakarta wan manarusakan bagawi di palayanan kasihatan masyarakat di Ninas Kasihatan Prupinsi Jakarta. Tahun 1997, inya bagabung lawan Badan Nasional Panalitian wan Pangambangan Kasihatan (Badan Litbangkes) Depkes.
Inya bagasi sabagai panaliti di Pusat Panalitian Pangandalian wan Pangambangan Prugram Panyakit, NIHRD, salawas sa dekade labih. Salawas 6 bulan di tahun 2001, inya mahabisakan waktunya bagawi di Kantur Pusat Urganisasi Kasihatan Dunia (WHO) di Jenewa, Swiss.
Inya diangkat sabagai Diriktur Pusat Panalitian Biomedis wan Prugram Pangambangan, NIHRD tahun 2007. Di bulan Uktubir 2009, inya diangkat sabagai Mantri Kasihatan Ripublik Indunisia ulih Presiden Susilo Bambang Yudhoyono wan bagabung lawan Kabinit Indunisia Basatu II. Di tanggal 26 April 2012, inya maundurakan diri matan pusisinya sabagai Mantri Kasihatan marga kundisi kasihatan.
Sidin balaki Dr. Reanny Mamahit, SpOG, MM (Direktur RSUD Tangerang) wan baisi 2 anak lalakian wan 1 anak bibinian.Anak lalakian nang panambayan bangaran Arinanda Wailan Mamahit, nang kakdua bangaran Awandha Raspati Mamahit, wan anak bibinian nang paling halusnya bangaran Rayinda Raymanen Mamahit.
Di tanggal 26 April 2012, Endang mangundurakan diri matan kabinit takait lawan kundisi kasihatannya. Tanggal 2 Mei 2012, Endang maninggal dunia marga kanker paru lanjut di umur 57 tahun di RSCM, kira-kira jam 11.41 WIB.
Jabatan politik | ||
---|---|---|
Didahului ulih: Siti Fadilah | Mantri Kasihatan Indunisia 22 Oktober 2009 – 26 April 2012 | Digantiakan ulih: Nafsiah Mboi |
Citakan:Kabinit Indunisia Basatu II
This article uses material from the Wikipedia Bahasa Banjar article Endang Rahayu Sedyaningsih, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Konten tersedia di bawah CC BY-SA 4.0 kecuali dinyatakan lain. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Bahasa Banjar (DUHOCTRUNGQUOC.VN) is an independent company and has no affiliation with Wiki Foundation.