Уладзімір Паўлавіч Андрэйчанка

2 студзеня 1949, в. Мар’янова, Лёзненскі раён, Віцебская вобласць) — беларускі дзяржаўны дзеяч.

Уладзімір Андрэйчанка
Старшыня Палаты прадстаўнікоў Нацыянальнага сходу Рэспублікі Беларусь з 27 кастрычніка 2008
Прэзідэнт	Аляксандр Лукашэнка
Кіраўнік урада	Сяргей Сідорскі, Міхаіл Мясніковіч, Андрэй Кабякоў, Сяргей Румас
Папярэднік	Вадзім Папоў
Старшыня Віцебскага абласнога выканаўчага камітэта лістапад 1994 — кастрычнік 2008
Прэзідэнт	Аляксандр Лукашэнка
Папярэднік	Уладзімір Кулакоў
Пераемнік	Аляксандр Косінец
Нараджэнне	2 студзеня 1949(1949-01-02) (75 гадоў) Мар’янова, Крынкаўскі сельсавет, Лёзненскі раён, Віцебская вобласць, БССР, СССР
Дзеці	Уладзіслаў Уладзіміравіч Андрэйчанка[d]
Партыя	Камуністычная партыя Беларусі
Член у	Канстытуцыйная камісія
Адукацыя	Мінская вышэйшая партыйная школа пры ЦК КПБ (1988) Велікалуцкі сельскагаспадарчы інстытут[d] (1977) Аграрны каледж (1968) Акадэмія кіравання пры Прэзідэнце Рэспублікі Беларусь
Дзейнасць	аграном, палітык
Навуковая дзейнасць
Навуковая сфера	палітык
Узнагароды	Ганаровая грамата Нацыянальнага сходу Рэспублікі Беларусь Ганаровая грамата Савета Міністраў Рэспублікі Беларусь (24 кастрычніка 2008) Ганаровая грамата Савета Міністраў Рэспублікі Беларусь (28 снежня 2018)
Медыяфайлы на Вікісховішчы

Скончыў Лужаснянскі сельскагаспадарчы тэхнікум (1968), Велікалуцкі сельскагаспадарчы інстытут (1977), Мінскую вышэйшую партыйную школу (1988), Акадэмію кіравання пры Прэзідэнце Рэспублікі Беларусь.

Працаваў аграномам у калгасе «Перамога сацыялізму» Верхнядзвінскага раёна (1968), старшым аграномам па вапнаванні Зубкоўскага спецаддзялення «Сельгастэхнікі». У 1972—1973 гг. — інструктар арганізацыйнага аддзела Лёзненскага райкама ЛКСМБ. 1973—1974 гг. — загадчык арганізацыйнага аддзела Лёзненскага райкама ЛКСМБ. 1974—1975 гг. — інструктар арганізацыйнага аддзела Лёзненскага РК КПБ. 1975—1978 гг. — сакратар парткама саўгаса «Адаменкі». 1978—1981 гг. — старшыня калгаса імя А. Ф. Данукалава. 1981—1985 гг. — намеснік старшыні, начальнік упраўлення сельскай гаспадаркі Лёзненскага райвыканкама. 1985—1987 гг. старшыня выканкама Лёзненскага Савета народных дэпутатаў. 1981—1991 гг. — першы сакратар Верхнядзвінскага РК КПБ. 1991—1994 гг. — першы намеснік, старшыня камісіі па сельскай гаспадарцы і забеспячэнні харчаваннем насельніцтва Віцебскага аблвыканкама. З лістапада 1994 г. па кастрычнік 2008 г. — старшыня Віцебскага аблвыканкама.

Дэпутат Вярхоўнага Савета Беларусі (1990—1994). Член Савета Рэспублікі Нацыянальнага сходу Рэспублікі Беларусь (1996—2008). З 27.10.2008 Старшыня Палаты Прадстаўнікоў Нацыянальнага сходу Рэспублікі Беларусь чацвёртага склікання, з 18.10.2012 Старшыня Палаты Прадстаўнікоў пятага склікання.

Заслужаны работнік сельскай гаспадаркі Рэспублікі Беларусь.

З 2016 года старшыня Палаты прадстаўнікоў Нацыянальнага сходу Рэспублікі Беларусь VI склікання.

З 1 лютага 2018 года — упаўнаважаны Прэзідэнта Рэспублікі Беларусь па Віцебскай вобласці.

З 2019 года старшыня Палаты прадстаўнікоў Нацыянальнага сходу Рэспублікі Беларусь VII склікання.

15 сакавіка 2021 года ўвайшоў у склад Канстытуцыйнай камісіі, якая ў мэтах ажыццяўлення рэзалюцыі шостага Усебеларускага народнага сходу распрацоўвае прапановы па змяненні Канстытуцыі Беларусі і забяспечвае іх усенароднае абмеркаванне.

У снежні 2022 года трапіў пад санкцыі Канады.

Узнагароджаны ордэнам Айчыны II і III ступені, ордэнам Дружбы (Расія), удастоены ганаровага звання «Заслужаны работнік сельскай гаспадаркі Рэспублікі Беларусь». Мае дзве падзякі Прэзідэнта Рэспублікі Беларусь, тры юбілейных медаля; узнагароджаны ганаровымі граматамі Вярхоўнага Савета БССР, Нацыянальнага сходу Рэспублікі Беларусь, Савета Міністраў Рэспублікі Беларусь, ордэнам Крыжа прападобнай Ефрасінні Полацкай (Беларуская праваслаўная царква).

Жанаты, мае двух дзяцей. Сын Уладзіслаў Андрэйчанка з’яўляецца дырэктарам аператара сотавай сувязі «МТС».

Ва Уладзіміра Андрэйчанкі ёсць катэдж ў элітным мінскім раёне Дразды, дзе жывуць у асноўным прадстаўнікі ўлады і людзі блізка звязаныя з Аляксандрам Лукашэнкам.