Паветрана-Дэсантныя Войскі Расійскай Федэрацыі

Сваю гісторыю ПДВ Расійскай Федэрацыі вядуць ад злучэнняў і часцей ПДВ СССР, большасць з якіх дасталася ёй пры падзеле УС СССР пасля распаду СССР.

Структурна Паветрана-дэсантныя войскі маюць тры асноўныя кампаненты:

• Паветрана-дэсантны.
• Дэсантна-штурмавы
• Горны.

На 2018 год у ПДВ РФ уваходзілі чатыры дывізіі, а таксама асобныя брыгады і палкі, а менавіта

• 76-я гвардзейская дэсантна-штурмавая дывізія
  • 104-ы гвардзейскі дэсантна-штурмавы полк
  • 234-ы гвардзейскі Чарнаморскі дэсантна-штурмавы полк
  • 237-ы гвардзейскі дэсантна-штурмавы полк
• 98-я гвардзейская паветрана-дэсантная дывізія
  • 217-ы гвардзейскі парашутна-дэсантны полк
  • 331-ы гвардзейскі парашутна-дэсантны полк
• 7-я гвардзейская дэсантна-штурмавая дывізія
  • 56-ы гвардзейскі дэсантна-штурмавы полк
  • 108-ы гвардзейскі дэсантна-штурмавы полк
  • 247-ы дэсантна-штурмавы Каўказскі казачы полк
• 106-я гвардзейская паветрана-дэсантная дывізія
  • 51-ы гвардзейскі парашутна-дэсантны полк
  • 137-ы гвардзейскі парашутна-дэсантны полк
• 11-я асобная гвардзейская паветрана-дэсантная брыгада
• 45-я асобная гвардзейская брыгада спецыяльнага прызначэння
• 56-я асобная гвардзейская дэсантна-штурмавая брыгада
• 31-я асобная гвардзейская дэсантна-штурмавая брыгада
• 83-я асобная гвардзейская паветрана-дэсантная брыгада
• 38-ы асобны гвардзейскі полк сувязі ПДВ

Акрамя баявых часцей, у склад расійскіх ПДВ уваходзяць яшчэ і навучальныя ўстановы, у якіх рыхтуюць кадры. Асноўным з іх і найбольш вядомым з’яўляецца Разанскае вышэйшае паветрана-дэсантнае каманднае вучылішча, якое ў тым ліку рыхтуе і афіцэраў для ПДВ РФ. Таксама ў структуру гэтага роду войскаў уваходзяць два сувораўскія вучылішча (у Туле і Ульянаўску), Омскі кадэцкі корпус і 242-ы навучальны цэнтр, размешчаны ў Омску.

З’яўляючыся асновай сіл хуткага рэагавання і ўлічваючы геаграфічную працягласць тэрыторыі Расіі, ПДВ здольныя аператыўна ствараць і нарошчваць мабільныя групоўкі на пагражальных кірунках. Паветрана-дэсантныя войскі ў вельмі кароткія тэрміны — не больш за суткі — могуць адрэагаваць на шырокі спектр пагроз у любым рэгіёне краіны і за яе межамі. Для павышэння баявой эфектыўнасці, у кожнай дывізіі ствараюцца падраздзяленні беспілотных лятальных апаратаў. БПЛА валодаюць высокім баявым патэнцыялам і прымяняюцца як у разведвальных, так і ў мэтах ўдарных.

Па неафіцыйных даных, агучаных ТАСС (неназваную крыніцу ў Міністэрстве абароны) на 2015 год, колькасць ПДВ Расіі складала 45 000 вайскоўцаў.

2 жніўня ў Расіі адзначаецца Дзень Паветрана-дэсантных войскаў. У гэты дзень у 1930 годзе на вучэннях Маскоўскай вайсковай акругі пад Варонежам упершыню было дэсантавана на парашутах дэсантнае падраздзяленне ў колькасці 12 чалавек для выканання тактычнай задачы.

• Паветрана-дэсантныя войскі СССР