Лацінская Швейцарыя (ням.: Lateinische Schweiz) — зборная назва для шэрагу швейцарскіх кантонаў, у якіх выкарыстоўваюцца раманскія мовы.
Калі больш дакладна, то абазначэнне «Лацінская Швейцарыя», супрацьпастаўленае паняццю «Германская Швейцарыя», распаўсюджваецца на абшчыны ці нават пэўныя гарады і вёскі, таму што ў Швейцарыі існуюць кантоны, дзе выкарыстоўваецца адразу дзве мовы.
Такім чынам, у складзе Лацінскай Швейцарыі вылучаюць Французскую Швейцарыю (Рамандыю, фр.: Suisse romande), Італьянскую (італ.: Svizzera italiana) і Рэтараманскую Швейцарыю (рэтарам.: Rumantschs). Самай буйной па колькасці з’яўляецца франкамоўная частка, якая складае 20,4 % усяго насельніцтва і займае паўднёва-заходнія кантоны Жэнева, Во, Неўшатэль і Юра, а таксама часткова Берн, Вале і Фрыбур. Другой паводле насельніцтва з’яўляецца італьянскамоўная частка, якая займае кантоны Тычына і Граўбюндэн. Нарэшце, самая малалікая група, прызнаная канстытуцыйна, размаўляе на рэтараманскай мове і складае Рэтараманскую Швейцарыю (Граўбюндэн).
This article uses material from the Wikipedia Беларуская article Лацінская Швейцарыя, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.