Джóні Лóган (англ.: Logan Johnny; сапраўднае імя Шон Патрык Майкл Шеррард О'Хеган (англ.: Seán Patrick Michael Sherrard O’Hagan; нар.
13 мая 1954, Фрэнкстан, Аўстралія) — ірландскі спявак і кампазітар.
Джоні Логан Johnny Logan | |
---|---|
англ.: Johnny Logan | |
Асноўная інфармацыя | |
Поўнае імя | Шон Патрык Майкл Шеррард О'Хеган Seán Patrick Michael Sherrard O’Hagan |
Дата нараджэння | 13 мая 1954 (69 гадоў) |
Месца нараджэння | Фрэнкстан, Аўстралія |
Краіна | Ірландыя |
Музычная дзейнасць | |
Прафесіі | Аўтар-выканаўца, спявак, кампазітар |
Гады актыўнасці | 1978- |
Пеўчы голас | тэнар |
Інструменты | гітара |
Жанры | Поп |
Псеўданімы | Джоні Логан |
johnnylogan.net | |
Медыяфайлы на Вікісховішчы |
Нарадзіўся ў сям'і ірландскага тэнара Патрыка О'Хегана, неаднаразова выступаў у Белым доме перад трыма прэзідэнтамі ЗША. У трохгадовым узросце разам з бацькамі пераехаў у Ірландыю. У 1977 годзе выканаў галоўную партыю ў мюзікле «Адам і Ева». Прыняўшы сцэнічны псеўданім Джоні Логан, у 1978 годзе выпусціў свой першы сінгл. У 1979 годзе выйграў нацыянальны конкурс песні і быў прызнаны чытачамі газеты Connaught Telegraph лепшым спеваком краіны.
Стаў пераможцам конкурсу песні Еўрабачанне ў 1980 годзе з песняй «What's Another Year?», якая потым заняла першае месца ў брытанскім хіт-парадзе. Зноў удзельнічаў у конкурсе «Еўрабачанне» 1987 года з песняй «Hold Me Now» і атрымаў другую перамогу. У 1992 годзе напісаная Логаном песня «Why Me?» у выкананні Лінды Марцін заняла першае месца на Еўрабачанні. Дзякуючы такому поспеху Логан атрымаў мянушку «Містэр Еўрабачанне».
На працягу сваёй кар'еры выпусціў больш за 40 сінглаў і 19 альбомаў. Вёў уласнае тэлешоў на Бі-бі-сі пад назвай Johnny Logan and Friends. Заняў трэцяе месца ў рэйтынгу лепшых выканаўцаў Еўрабачання за 50 гадоў з песняй «Hold Me Now». Працягвае актыўную творчую дзейнасць.
This article uses material from the Wikipedia Беларуская article Джоні Логан, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.