Ганна Міхайлаўна Ліхман (1928—2001) — балетмайстар, заслужаны работнік культуры БССР.
Ганна Міхайлаўна Ліхман | |
---|---|
Дата нараджэння | 1928 |
Дата смерці | 2001 |
Прафесія | балетмайстар, танцавальны педагог, харэограф |
Узнагароды |
У 1951 г. Г. М. Ліхман пераехала ў г. Баранавічы з г. Ашхабада, дзе да вайны жыла яе сям’я.
Скончыла харэаграфічнае аддзяленне культасветвучылішча г. Ашхабада, працавала ў складзе Свярдлоўскага вандроўнага тэатра оперы и балета, ансамблі песні і пляскі Беларускай ваеннай акругі.
У Баранавічах у 1966 годзе Г. М. Ліхман арганізавала народны дзіцячы ансамбль танцаў «Лялькі» пры Гарадскім Доме культуры. Гэтай працы яна прысвяціла 30 гадоў. У 1982 годзе ансамбль стаў лаўрэатам прэміі Ленінскага камсамола Брэстчыны, у 1984 годзе атрымаў званне лаўрэата прэміі ЛКСМБ, у 1995 годзе быў узнагароджаны дыпломам Сусветнага фестывалю моладзі і студэнтаў у г. Маскве.
У 1996 годзе Ганна Міхайлаўна перадала кіраўніцтва калектывам сваёй вучаніцы Алене Івановіч.
У 1991 г. балетмайстару і педагогу А. М. Ліхман было прысвоена ганаровае званне «Заслужаны работнік культуры Беларускай ССР» за вялікі ўклад у адраджэнне нацыянальнай культуры і народных традыцый, эстэтычнае выхаванне працоўных.
У кастрычніку 2008 года была адкрыта мемарыяльная дошка на Гарадскім Доме культуры ў гонар Ганны Ліхман.
This article uses material from the Wikipedia Беларуская article Ганна Міхайлаўна Ліхман, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.