Ю́рый Мікала́евіч Цвятко́ў (14 лютага 1941; в.
Дворышчы, цяпер Пскоўская вобласць, Паўночна-заходняя федэральная акруга, Расія — 25 лістапада 2011, Мінск) — беларускі рэжысёр і сцэнарыст. Заслужаны дзеяч мастацтваў Рэспублікі Беларусь (1991).
Юрый Мікалаевіч Цвяткоў | |
---|---|
Дата нараджэння | 14 лютага 1941 |
Месца нараджэння | в. Дворышча, Себежскі раён, Калінінская вобласць, РСФСР, СССР |
Дата смерці | 25 студзеня 2011 (69 гадоў) |
Месца смерці | Мінск, Беларусь |
Месца пахавання | |
Грамадзянства | СССР Беларусь |
Адукацыя | |
Месца працы | |
Прафесія | кінарэжысёр, сцэнарыст, кінааператар |
Узнагароды | |
IMDb | ID 0875523; ID 1106761 |
Нарадзіўся ў сям'і вайскоўца. Скончыў Усесаюзны інстытут кінематаграфіі (1963), пасля якога працаваў на кінастудыі «Беларусьфільм» (у 1993—1996 гг. кіраўнік). У 1989—1993 гг. быў кіраўніком «Белвідэацэнтра». У 1996—2000 гг. намеснік міністра культуры Беларусі. У 2001—2005 гг. начальнік Дзяржаўнага рэгістру кінавідэафільмаў і кінавідэапраграм Беларусі. У 2006—2008 гг. старшыня Беларускага саюза кінематаграфістаў.
Зняў мастацкія фільмы «Іду шукаць» (1966, з Ігарам Рамішэўскім) і «Анюціна дарога» (1968). Рэжысёр фільмаў: «Памяць каменя» (1966), «Песня Палесся» (1968), «Спяшайся будаваць дом» (1970), «Веснавая казка» (1971), «Пасля кірмашу» (1972), «Гэта вясёлая планета» (1973), «Ясь і Яніна» (1974), «Леташняя кадрыля» і «Марынка, Янка і таямніцы каралеўскага замка» (1978), «Хутка і чаго б гэта ні каштавала» (1980), «Пад чужым імем» (1981), «Гісторыя адной тэлеграмы» і «Чарвякову тэрмінова Ленін» (1982), «50-ы сезон» і «Мост» (1983), «Рэвалюцыя дае нам права» і «Сустрэча, якая вызначыла лёс» (1985), «Чырвоны гваздзік» (1986), «Цішка Гартны» (1988), «Быў. Ёсць. Буду - У.Караткевіч» (1989), «Алесь Гарун» (1990), «Кадыш» (1993), «Чарнобыль і Беларусь» (1994), «Кінарэжысёр Віктар Тураў» (1995).
This article uses material from the Wikipedia Беларуская article Юрый Мікалаевіч Цвяткоў, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.