Юбілейны Медаль «Трыццаць Гадоў Перамогі Ў Вялікай Айчыннай Вайне 1941—1945 Гг.»

Аўтарамі малюнка медаля былі мастакі В. А. Ермакоў і В. П. Зайцаў (абодва — аверс), а таксама А. Г. Мірашнічэнка (рэверс).

Юбілейны медаль «Трыццаць гадоў Перамогі ў Вялікай Айчыннай вайне 1941—1945 гг.»
Краіна	СССР
Тып	медаль
Дата заснавання	25 красавіка 1975
Статус	не ўручаецца
Статыстыка ўзнагароджанняў
Колькасць	каля 14 259 560
Характарыстыкі
Матэрыял	Латунь
Памеры	дыяметр — 36 мм
Чарговасць узнагарод
Старэйшая	Юбілейны медаль «Дваццаць гадоў Перамогі ў Вялікай Айчыннай вайне 1941—1945 гг.»
Малодшая	Юбілейны медаль «Сорак гадоў Перамогі ў Вялікай Айчыннай вайне 1941—1945 гг.»
Медыяфайлы на Вікісховішчы

 

Юбілейным медалём «Трыццаць гадоў Перамогі ў Вялікай Айчыннай вайне 1941—1945 гг.» узнагароджваюцца:

• усе ваеннаслужачыя і асобы вольнанаёмнага складу, якія прымалі ў шэрагах Узброеных Сіл Саюза ССР удзел у баявых дзеяннях на франтах Вялікай Айчыннай вайны, партызаны Вялікай Айчыннай вайны, удзельнікі падполля, а таксама іншыя асобы, узнагароджаныя медалямі «За Перамогу над Германіяй у Вялікай Айчыннай вайне 1941—1945 гг», «За Перамогу над Японіяй».
• працаўнікі тылу, узнагароджаныя медалём «За доблесную працу ў Вялікай Айчыннай вайне 1941—1945 гг.».

Асобам, згаданым у першым пункце, уручаецца медаль з надпісам на адваротным боку «УЧАСТНИКУ ВОЙНЫ», а асобам, згаданым у другім пункце — з надпісам «УЧАСТНИКУ ТРУДОВОГО ФРОНТА».

Узнагароджанне юбілейным медалём «Трыццаць гадоў Перамогі ў Вялікай Айчыннай вайне 1941—1945 гг.» распаўсюджана на працаўнікоў тылу, удастоеных у гады вайны ордэнаў або медалёў СССР за працоўныя заслугі або ўзнагароджаных медалямі:

• «За абарону Ленінграда»
• «За абарону Масквы»
• «За абарону Адэсы»
• «За абарону Севастопаля»
• «За абарону Сталінграда»
• «За абарону Каўказа»
• «За абарону Кіева»
• «За абарону Савецкага Запаляр'я».

Юбілейны медаль «Трыццаць гадоў Перамогі ў Вялікай Айчыннай вайне 1941—1945 гг.» носіцца на левым боку грудзей і размяшчаецца пасля медаля «Дваццаць гадоў Перамогі ў Вялікай Айчыннай вайне 1941—1945 гг.».

Па стану на 1 студзеня 1995 года юбілейным медалем «Трыццаць гадоў Перамогі ў Вялікай Айчыннай вайне 1941—1945 гг.» узнагароджана прыблізна 14 259 560 чалавек.

 

Медаль «Трыццаць гадоў Перамогі ў Вялікай Айчыннай вайне 1941—1945 гг.» круглы, памерам 36 мм у дыяметры, вырабляецца з латуні.

На адным боку медаля на фоне святочных агнёў салюту ў гонар Перамогі савецкага народа ў Вялікай Айчыннай вайне размешчана рэльефная выява скульптуры А. В. Вучэціча «Радзіма-Маці» з помніка-ансамбля героям Сталінградскай бітвы. Злева ад скульптуры на лаўровай галіне, апускаючайся ўніз, намаляваныя пяціканцовая зорка і дата «1945—1975».

На адваротным боку медаля размешчаны: у верхняй частцы па акружнасці надпіс «УЧАСТНИКУ ВОЙНЫ» або «УЧАСТНИКУ ТРУДОВОГО ФРОНТА», у сярэдзіне — надпіс «ХХХ гадоў Перамогі ў Вялікай Айчыннай вайне 1941—1945 гг.», у ніжняй частцы — рэльефная выява сярпа і молата на стужцы. На медалях, адчаканеных для ўзнагароджання замежных грамадзян, надпісы на рэверсе медаля — «УЧАСТНИКУ ВОЙНЫ» або «УЧАСТНИКУ ТРУДОВОГО ФРОНТА» адсутнічаюць.

Края медаля абрамлены борцікам. Выявы і надпісы на медалі выпуклыя.

Медаль пры дапамозе вушка і кальца злучаецца з пяцікутнай калодкай, абцягнутай шаўковай муаравай стужкай шырынёй 24 мм, з падоўжнымі чаргуючыміся палоскамі чорнага і аранжавага колераў шырынёй па 3 мм кожная, чырвонай — шырынёй 10 мм, зялёнай і чырвонай — па 3 мм кожная. Краю стужкі акантаваны вузкімі аранжавымі палоскамі.

• Володин А. Н., Мерлай Н. М. Медали СССР. — СПб.: Печатный двор, 1997. — С. 26—27. — ISBN 5-7062-0111-0.
• Колесников Г. А., Рожков А. М. Ордена и медали СССР. — Мн.: Народная асвета, 1986. — С. 92—93.

• Медалі і ордэны СССР

• Нагрудны знак «25 гадоў перамогі ў Вялікай Айчыннай вайне»