Нідэрланды дзеляцца на 12 правінцый (апошняя правінцыя Флеваланд створаная ў 1986 годзе на асушаных тэрыторыях), правінцыі дзеляцца на гарадскія і сельскія абшчыны.
Правінцыі маюць выбарны орган самакіравання — Правінцыйныя Штаты, абіраныя на чатыры года. На чале Правінцыйных Штатаў стаіць каралеўскі камісар. Жыхары абшчын абіраюць на чатыры года Савет. Яго выканаўчы орган — калегія бургамістра і муніцыпальных дараднікаў, узначаленая бургамістрам, які прызначаецца каралевай.
Правінцыі | Плошча сушы, тыс. км² | Насельніцтва, тыс. чал. | Сталіца |
---|---|---|---|
Гелдэрланд (Gelderland) | 5,015 | 1533,7(1970) 1978,688(2007) | Арнем (Arnhem) |
Гронінген (Groningen) | 2,347 | 522,4(1970) 573,923(2007) | Гронінген (Groningen) |
Дрэнтэ (Drenthe) | 2,655 | 372,6(1970) 485,986(2007) | Асэн (Assen) |
Зеландыя (Zeeland) | 1,796 | 310,3(1970) 380,548(2007) | Мідэлбург (Middelburg) |
Лімбург (Limburg) | 2,169 | 1012,4(1970) 1127,637(2007) | Маастрыхт (Maastricht) |
Аверэйсел (Overijssel) | 3,340 | 932,9(1970) 1116,402(2007) | Зволе (Zwolle) |
Паўночны Брабант (Noord-Brabant) | 4,949 | 1819,5(1970) 2418,698(2007) | Хертагенбас ('s-Hertogenbosch) |
Паўночная Галандыя (Noord-Holland) | 2,667 | 2260,0(1970) 2613,992(2007) | Харлем (Haarlem) |
Утрэхт (Utrecht) | 1,359 | 816,4(1970) 1190,721(2007) | Утрэхт (Utrecht) |
Флеваланд (Flevoland) | 1,412 | 374,394(2007) | Лелістад (Lelystad) |
Фрысландыя (Friesland) | 3,357 | 526,7(1970) 642,169(2007) | Леўвардэн (Leeuwarden) |
Паўднёвая Галандыя (Zuid-Holland) | 2,871 | 2991,7(1970) 3 453 756(2007) | Гаага (Den Haag, |
Заўвага: Даныя аб насельніцтве на 1970 год узятыя з Вялікай савецкай энцыклапедыі, на 1 студзеня 2007 года — з сайта Цэнтральнага Бюро Статыстыкі Нідэрландаў [1].
Цяперашнія правінцыі паўсталі на аснове былых — часта аднайменных графстваў і герцагстваў. У XVI стагоддзі ўтварылася нідэрландская Рэспубліка сямі аб'яднаных правінцый.
У эпоху Батаўскай рэспублікі (1795—1806) правінцыі былі ператвораныя ў дэпартаменты па французскім рэвалюцыйным узоры. У 1813 г., пасля паражэння Францыі, было адноўлены падзел Нідэрландаў на правінцыі.
Правінцыя Флеваланд — самая новая ў краіне, яна была створаная ў 1986 годзе на асушаных тэрыторыях, дзе раней было мора.
This article uses material from the Wikipedia Беларуская article Адміністрацыйны падзел Нідэрландаў, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.