Понт
Понт, Пантыйскае царства (стар.-грэч.: Πόντος) — эліністычная дзяржава ў Малой Азіі.
Існавала з 302/301 да 64/63 да н.э.
Дзяржава была заснавана Мітрыдатам II з персідскага роду Ахеменідаў. Этнічны склад насельніцтва неаднародны. Побач з развітымі грэчаскімі полісамі існавалі тэрыторыі з родаплемяннымі адносінамі. Асноўныя заняткі насельніцтва: земляробства, садоўніцтва, жывёлагадоўля, у грэчаскіх гарадах — рамёствы, гандаль. Дзяржава мела гандлёвыя сувязі з Паўночным Прычарнамор'ем (Баспор) і Грэцыяй.
З пачатку 2 ст. да н.э. пантыйскія цары актыўныя ў замежнай палітыцы, на пачатак 1 ст. да н.э. Понт — адна з самых моцных дзяржаў эліністычнага свету. Тэрытарыяльныя заваяванні цара Мітрыдата VI выклікалі канфлікт з Рымам (Мітрыдатавы войны), у якім Понт пацярпеў паражэнне і спыніў самастойнае існаванне. Землі Понта ўвайшлі ў склад Рымскай дзяржавы.
Літаратура
- Беларуская Савецкая Энцыклапедыя. У 12 т. Т. 8. Паддубнікі — Рабкі / Рэдкал.: П. У. Броўка (гал. рэд.) і інш. — Мн.: БелСЭ, 1975. — 676 с.: іл., карты.
This article uses material from the Wikipedia Беларуская article Понт, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.