Папскі Грыгарыянскі Ўніверсітэт

Кіруе Папскім Грыгарыянскім універсітэтам ордэн езуітаў. За дзейнасць універсітэта адказваюць перад рымскай курыяй генерал ордэна езуітаў і прызначаны папам кардынал-пратэктар. Рыхтуе кадры для цэнтральных і перыферыйных царкоўных устаноў.

Папскі Грыгарыянскі Універсітэт (PUG, Gregoriana)
Pontificia Universitas Gregoriana, Universitas Gregoriana Societatis Jesu
Арыгінальная назва	Pontificia Universitas Gregoriana, Universitas Gregoriana Societatis Jesu
Дэвіз	Religioni et Bonis Artibus
Заснаваны	1551
Тып	Папскі
Рэктар	Джанфранка Гірланда, езуіт
Рэктар	Mark Andrew Lewis[d]
Студэнты	2 754
Размяшчэнне	Рым, Італія
Сайт	unigre.it
Медыяфайлы на Вікісховішчы

Заснаваны ў 1551 Ігнаціям Лаёлай і Францыскам Борджа і названы напачатку Scuola di grammatica, d’umanita e dottrina cristiniana («Школа граматыкі, гуманітарных навук і хрысціянскага вучэння»); быў вядомы таксама як Collegium Romanum (Рымскі калегіум). Папам Юліем III пераўтвораны ва ўніверсітэт. Атрымаў падтрымку ад папы Грыгорыя XIII, які ў 1682 годзе выдзеліў яму значную суму з папскай казны і перадаў шэраг будынкаў. У 1926 годзе у склад ўніверсітэта уключаны Вышэйшы інстытут рэлігійнай культуры, у 1928 годзе — Папскі інстытут усходніх даследаванняў (заснаваны ў 1917), у 1955 годзе — Папскі біблейскі інстытут (заснаваны ў 1909).

Грыгарыянскі ўніверсітэт мае факультэты багаслоўя, філасофіі, кананічнага права, гісторыі Цэрквы, місіялогіі, грамадскіх навук; пры ўніверсітэце існуюць інстытуты духоўнага жыцця, псіхалогіі, рэлігійных даследаванняў, астранамічная абсерваторыя, а таксама Вышэйшая школа лацінскай мовы і літаратуры.

Сярод выпускнікоў Грыгарыянскага ўніверсітэта — 20 святых, 29 блажэнных і 14 Рымскіх Пап.

Папы, якія скончылі Грыгарыянскі ўніверсітэт:

• Рыгор XV
• Урбан VIII
• Інакенцій X
• Клімент X
• Інакенцій XII
• Клімент XI
• Інакенцій XIII
• Клімент XII
• Леў XIII
• Бенедыкт XV
• Пій XI
• Пій XII
• Павел VI
• Ян Павел I
• Нерсес Бедрас XIX — Патрыярх Армянскай каталіцкай царквы.

У Грыгарыянскім універсітэце выкладалі Роберт Белармін, Франсіска Суарес, Габрыэль Васкес і іншыя выбітныя каталіцкія багасловы. Выпускнікамі Грыгарыянскага ўніверсітэта з’яўляюцца шматлікія кардыналы і біскупы.

У Папскім Грыгарыянскім універсітэце ў розны час вучыліся беларускія святары К. Маскалік, А. Надсан, А. Неманцэвіч, Т. Падзява, Я. Рэшаць, Ч. Сіповіч, У. Тарасевіч, Ф. Чарняўскі інш.

У наш час у Грыгарыянскім універсітэце працуюць каля 300 выкладчыкаў і вучацца больш 2,5 тысяч студэнтаў.

• Папскі Грыгарыянскі універсітэт. Беларуская энцыклапедыя: У 18 т. Т. 12: Палікрат — Праметэй / Рэдкал.: Г. П. Пашкоў і інш. — Мн. : БелЭн, 2001. — Т. 12. — 576 с. — 10 000 экз. — ISBN 985-11-0035-8. — ISBN 985-11-0198-2 (т. 12).

•   На Вікісховішчы ёсць медыяфайлы па тэме Папскі Грыгарыянскі ўніверсітэт
• Афіцыйны сайт Папскага Грыгарыянскага Універсітэта Архівавана 29 жніўня 2009. (на італьянскай)
• Бібліятэка Папскага Грыгарыянскага Універсітэта Архівавана 7 студзеня 2009. (спасылка на англійскую старонку Бібліятэкі)