Пакуты Маладога Вертэра
«Пакуты маладога Вертэра» (ням.: Die Leiden des jungen Werthers — у першых выданнях і ням.
Die Leiden des jungen Werther - у сучасных) — сентыментальны раман у лістах Іагана Вольфганга Гётэ 1774 года. У рамане на фоне карціны нямецкай рэчаіснасці адлюстраваны драматычныя асабістыя перажыванні героя, якія скончыліся яго самагубствам.
| Пакуты юнага Вертера | |
|---|---|
| Die Leiden des jungen Werthers | |
 Тытульны ліст першага выдання «Пакут юнага Вертера» | |
| Жанр | раман |
| Аўтар | Іаган Вольфганг Гётэ |
| Мова арыгінала | нямецкая |
| Дата напісання | 1774 |
| Дата першай публікацыі | 1774 |
 Медыяфайлы на Вікісховішчы | |
Раман «Пакуты маладога Вертэра» стаў другім літаратурным поспехам Гётэ пасля драмы «Гёц фон Берліхінген». Як драму, так і раман у лістах адносяць да кірунку «Бура і націск». «Пакуты маладога Вертэра» носяць у некаторай ступені аўтабіяграфічны характар, у ім у вольнай інтэрпрэтацыі Гётэ распавёў пра сваю любоў да Шарлоты Буф. Гётэ пазнаёміўся з ёй падчас праходжання практыкі ў імперскім камеральным судзе Вецлара летам 1772 года. Матыў трагічнай развязкі любоўнай гісторыі, суіцыду Вертэра Гётэ навеяла смерць яго сябра Карла Вільгельма Іерузалема, які пакутаваў ад любові да замужняй жанчыны. Літаратурны вобраз Лоты абавязаны сваім з'яўленнем іншай знаёмай Гётэ таго часу - Максіміліяне фон Ларош.
Першае выданне рамана выйшла восенню 1774 года да Лейпцыгскага кніжнага кірмашу і адразу стала бестселерам. Перапрацаванае выданне выйшла ў 1787 годзе. Раман падарыў Гётэ славу ва ўсёй Германіі.
Гл. таксама
- Эфект Вертэра
This article uses material from the Wikipedia Беларуская article Пакуты маладога Вертэра, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.