Падлесак — група раслін у лесе, якія растуць у цені дрэў, якія ўтвараюць полаг.
Складаецца з кустоў і нізкіх дрэў, якія ніколі не вырастаюць да вышыні асноўнага дрэвастою, чым адрозніваюцца ад падросту . Падлесак ў шыракалістых і мяшаных лясах часцей за ўсё складаецца з маліны, ляшчыны, брызгліны, крушыны, ядлоўцу, рабіны, а ў лісцяных, цёмнахвойных і светлахвойных лясах у яго склад уваходзяць вольха, карлікавая бяроза і карлікавая вярба. Кізіл і падуб таксама, як правіла, уваходзяць у падлесак.
Да падлеску даходзіць значна менш святла, таму ўтваральныя яго расліны ценелюбівыя і ажыццяўляюць фотасінтэз пры абмежаваным асвятленні. У змешаных лясах лісце верхняга яруса з'яўляецца пазней, чым у падлеску, што дае магчымасць раслінам ніжняга яруса фотасінтэзаваць без зацянення полагам. Гэты кароткі перыяд (1-2 тыдні) дазваляе раслінам падлеску падтрымліваць вугляродны баланс на працягу ўсяго года.
Вільготнасць у падлеску таксама вышэй, чым на адкрытых участках. Полаг затрымлівае сонечнае выпраменьванне, памяншаючы тэмпературу паверхні зямлі і, адпаведна, інтэнсіўнасць выпарэння. Высокая вільготнасць дазваляе расці грыбам і іншым рэдуцэнтам . Дзякуючы гэтаму падлесак адыгрывае вялікую ролю ў жыцці лесу — ўплывае на фарміраванне ствалоў дрэў, спрыяе ачышчэнню іх ад сукоў, а таксама ўплывае на мікраклімат і глебу лесу. У водаахоўных лясах падлесак змацоўвае глебу і абараняе берагі азёр і рэк ад размыву.
This article uses material from the Wikipedia Беларуская article Падлесак, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.