Маа́і — каменныя статуі са спрасаванага вулканічнага попелу на востраве Рапануі, належаць да прэтэндэнтаў Сем новых цудаў свету.
Усе мааі маналітныя, гэта значыць выразаныя з адзінага кавалка каменя, а не злепленыя або змацаваныя. Вага часам дасягае больш за 20 тон, а вышыня — больш за 6 метраў. Была знойдзена няскончаная скульптура ростам каля 20 метраў і вагой у 270 тон. Усяго на востраве Пасхі маецца 997 мааі. Усе мааі, акрамя сямі статуй, «глядзяць» у глыб вострава. Гэтыя сем статуй адрозніваюцца яшчэ і тым, што знаходзяцца ўнутры вострава, а не на ўзбярэжжы.
Крыху менш пятай часткі мааі былі перасунутыя на пляцоўкі для цырымоній (аху) і ўстаноўлены з каменным цыліндрам чырвонага колеру на галаве (пукаў). Каля 95 % выразаныя са спрасаванага вулканічнага попелу Рана Рараку, дзе цяпер засталося 394 мааі. Работы ў каменяломні ля падножжа вулкана Рана Рараку былі нечакана перапыненыя, і там засталося шмат няскончаных статуй. Практычна ўсе завершаныя мааі былі перасунутыя з Рана Рараку на цырыманіяльныя платформы.
This article uses material from the Wikipedia Беларуская article Мааі, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.