Джэймс Ален Мэнгалд (англ.: James Allen Mangold; нар.
16 снежня 1963) — амерыканскі кінарэжысёр, сцэнарыст і прадзюсар.
Джэймс Мэнгалд | |
---|---|
англ.: James Mangold | |
Дата нараджэння | 16 снежня 1963 (60 гадоў) |
Месца нараджэння | |
Грамадзянства | |
Бацька | Robert Mangold[d] |
Жонка | Cathy Konrad[d] |
Адукацыя | |
Прафесія | кінарэжысёр, сцэнарыст, акцёр, кінапрадзюсар, рэжысёр |
IMDb | ID 0003506 |
Медыяфайлы на Вікісховішчы |
Джэймс Мэнгалд нарадзіўся ў 1963 годзе ў Нью-Ёрку ў сям’і мастакоў Роберта Мэнгалда і Сільвіі Плімэк Мэнгалд. Скончыўшы сярэднюю школу Вашынгтанвіля, Джэймс адправіўся вучыцца ў Каліфарнійскі Інстытут мастацтваў, каб вывучаць кіно. Яго выкладчыкам апынуўся вядомы рэжысёр і тэарэтык кінамастацтва Аляксандр Макендрык , які на трэцім годзе навучання параіў Мэнгалду паспрабаваць вучыцца і акцёрскаму майстэрству. Так, вывучаючы тэхналогію стварэння фільмаў, Джэймс заадно развіў і акцёрскі талент. Адным з аднакурснікаў Мэнгалда ў інстытуце быў акцёр і прадзюсар Дон Чыдл .
Кар’еру ў кіно Мэнгалд пачаў з кароткаметражных фільмаў — да 21 года ён зняў некалькі кароткіх карцін і неўзабаве атрымаў прапанову аб супрацоўніцтве з кампаніяй «Disney». Але, пачаўшы было працаваць рэжысёрам і сцэнарыстам для іх, Мэнгалд у хуткім часе вырашыў пакінуць студыю і вярнуўся ў Нью-Ёрк. Там ён працягнуў вучыцца, гэтым разам у Кінашколе Калумбійскага ўніверсітэта, дзе ён і атрымаў сваю ступень магістра кінамастацтва. У кінашколе яго настаўнікам быў сам Мілаш Форман.
Самастойна ствараць фільмы Мэнгалд пачаў у 1995 годзе, яго дэбютнай працай стала драма «Цяжкі », якая апавядала гісторыю таўстуна-кухара, жыццё якога крута мяняецца з прыходам у яго кафэ новенькай афіцыянткі. Фільм быў добра прыняты публікай і адзначаны некалькімі кінапрэміямі. У 1997 годзе Мэнгалд зняў фільм «Паліцэйскія » — крымінальную драму пра шэрыфа з невялікага мястэчка.
Сапраўдны поспех прыйшоў да Джэймса Мэнгалда з выхадам у 1999 годзе біяграфічнай драмы «Перапыненае жыццё ». У 2000 годзе Анджэліна Джолі, якая іграла ў гэтым фільме, атрымала «Оскар» за Найлепшую жаночую ролю другога плана. Фільм атрымаў і іншыя прэміі, у тым ліку «Залаты глобус».
У 2001 годзе Мэнгалд прапанаваў гледачам меладраматычную камедыю «Кейт і Леа ». У карціне была паказана дзіўная і кранальная гісторыя Леа, герцага Олбанскага, які воляю лёсу трапіў у будучыню, у сучасны Нью-Ёрк. За песню «Until», якая прагучала ў фільме, Стынг, аўтар і выканавец песні, атрымаў «Залаты глобус», а таксама намінацыю на «Оскар».
Пасля «Кейт і Леа» Мэнгалд зняў трылер «Ідэнтыфікацыя » (2003) і музычную драму «Пераступіць рысу » (2005), якая зноў апынулася ў ліку намінантаў на «Оскар», «Залаты глобус» і іншыя прэміі. Так, Рыз Уізерспун, якая сыграла ў фільме галоўную ролю, атрымала і «Оскара», і «Глобус», і мноства іншых прызоў, а таксама прызнанне публікі. Фільм гэты прысвечаны гісторыі жыцця легендарнага кантры-спевака Джоні Кэша, яго маладосці і яго жыццю з другой жонкай Джун Картэр.
У 2007 годзе Мэнгалд зняў баявік-вестэрн «Цягнік на Юму», які быў адзначаны дзвюма намінацыямі на «Оскар». У 2010 годзе выйшаў прыгодніцкі баявік «Рыцар дня », а пазней, у 2012 годзе Мэнгалд папрацаваў і над стварэннем серыялаў — «Ральф Лэмб» і «Навабранцы».
This article uses material from the Wikipedia Беларуская article Джэймс Мэнгалд, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.