Герб дзяржавы Ізраіль — адзін з дзяржаўных сімвалаў дзяржавы Ізраіль, уяўляе сабой геральдычны шчыт з намаляванай на ім менорай (сямісвечнікам), што стаяла ў Іерусалімскім храме.
Сямісвечнік абрамлены аліўкавымі галінамі, якія сімвалізуюць мір; пад асновай меноры надпіс іўр. ישראל - «Ізраіль». Геральдычны шчыт заўсёды сіні, але малюнак меноры і аліўкавых галін можа быць белага (як на прэзідэнцкім сцягу) або залатога колеру (у большасці астатніх месцаў, напрыклад на вокладцы ізраільскага пашпарта).
Герб Ізраіля | |
---|---|
Дэталі | |
Зацверджаны | 10 лютага 1949 |
Шчыт | Французскі, чатырохкутны з завостраным заснаваннем |
Заснаванне | 1949 |
Іншыя элементы |
|
Выкарыстанне |
|
Герб быў прыняты 10 лютага 1949 года ў выніку конкурсу, праведзенага ў 1948 г. Асновай герба стаў праект пераможцаў конкурсу – выхадцаў з Латвіі, братоў Габрыэля і Максіма Шаміра. Асобныя элементы былі ўзятыя з праектаў іншых удзельнікаў.
На арцы Ціта, прысвечанай заваяванню Іудзеі і размешчанай у Рыме на імператарскіх форумах ёсць выява палонных іудэяў, якія нясуць менору (мяркуема, з Другога Іерусалімскага храма). Менавіта гэтая менора ўзята за аснову выявы меноры на гербе Ізраіля.
This article uses material from the Wikipedia Беларуская article Герб Ізраіля, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.