Гамадрыяды (стар.-грэч.: Ἁμαδρυάδες) — у старажытнагрэчаскай міфалогіі разнавіднасць німф дрэваў.
Гэта тыя дрыяды, якія паміралі разам з дрэвам.
Паводле старажытнагрэчаскага паэта Ференіка з Гераклеі, гераіня Гамадрыяда нарадзіла свайму брату Оксілу (сыну Орэя), у прыватнасці, дочак Карыю (арэх), Балану (жолуд), Кранію (кізіл), Марэю (шаўкоўніца), Эгеру (таполя), Птэлею (вяз), Ампелу (вінаградная лаза) і Сіку (смакоўніца), усе яны атрымалі імя гамадрыяд.
Бацька нейкага Парэбія здзейсніў цяжкае злачынства, ссекшы дуб, які яго маліла захаваць гамадрыяда. За тое, што дуб — жыллё гамадрыяды быў ссечаны, німфа пакарала злачынца і яго нашчадства. Каб загладзіць віну, трэба было ўзвесці німфе алтар і прынесці ёй ахвяры.
Калі Эрысіхтан загадаў ссекчы дуб у гаі Дэметры, з яго забруілася кроў, а галіны пакрыліся бледнасцю. Гэта была кроў німфы, якая жыла ў дубе, паміраючы, яна прадракла адплату апаганшчыку свяшчэннага дрэва, надаўшы яго адчуваннем няўтольнага голаду.
Вядомая гісторыя палахлівай гамадрыяды Сірынгі, якая стала трыснягом, каб пазбегнуць абдымак казланогага Пана.
This article uses material from the Wikipedia Беларуская article Гамадрыяды, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.