Валянціна Аркадзеўна Куляшова

27 студзеня 1936, Мінск — 14 кастрычніка 2018) — беларускі літаратуразнавец, перакладчыца. Дачка Аркадзя Куляшова.

У 1958 годзе скончыла філалагічны факультэт Маскоўскага дзяржаўнага ўніверсітэта. Працавала ў Беларускім таварыстве дружбы і культурных сувязей з замежнымі краінамі, у Інстытуце мовазнаўства імя Якуба Коласа АН БССР. З 1960 года жыла ў Сафіі (Балгарыя), працавала настаўніцай сярэдняй школы, вучылася ў аспірантуры (па беларускай мове і літаратуры) Сафійскага ўніверсітэта, была рэдактарам-перакладчыкам на Балгарскім радыё.

У 1967 годзе вярнулася ў Мінск. У 1967—1982 гг. — выкладчык кафедры рускай мовы БДУ, старшы рэдактар на Беларускім тэлебачанні, загадчык творчага аддзела Рэспубліканскага Дома работнікаў мастацтва.

Член Саюза беларускіх пісьменнікаў з 1989 года.