Міжнародны аэрапорт Руасі-Шарль-дэ-Голь (фр.: Aéroport Paris-Charles-de-Gaulle) — аэрапорт, размешчаны за 25 км на паўночны ўсход ад Парыжа, быў спраектаваны Полем Андро і адкрыты 8 сакавіка 1974 года.
Міжнародны аэрапорт імя Шарля дэ Голя | |
---|---|
фр.: Aéroport de Paris Charles de Gaulle | |
ІАТА: CDG — ІКАА: LFPG | |
Інфармацыя | |
Краіна | |
Дата адкрыцця | 8 сакавіка 1974 |
Уладальнік | Groupe ADP[d] |
Эксплуатант | Groupe ADP[d] |
Вышыня НУМ | 119 м |
Плошча |
|
Сайт | parisaeroport.fr (фр.) (англ.) (кіт.) |
Статыстыка | |
Гадавы пасажырапаток | 57 474 033 |
Медыяфайлы на Вікісховішчы |
З’яўляецца галоўным аэрапортам Францыі і адным з двух асноўных аэрапортаў Парыжа (другі размешчаны на поўдзень ад горада аэрапорт Арлі). Па пасажырапатоку ўваходзіць у дзесятку найбуйнейшых аэрапортаў свету. Названы ў гонар Шарля дэ Голя (1890—1970), генерала і прэзідэнта Францыі.
Аэрапорт мае чатыры ўзлётна-пасадачныя паласы (бетонную даўжынёй 2700 м і тры асфальтавыя — 2700 м, 4200 м, 4215 м) і дзевяць тэрміналаў: 1, 2A, 2B, 2C, 2D, 2Е, 2F, 2G, 3. Першы тэрмінал (у форме васьмінога) старэйшы. Другі тэрмінал пабудаваны пазней для авіякампаніі Air France, але на цяперашні момант прымае самалёты і іншых кампаній. Трэці тэрмінал выкарыстоўваецца галоўным чынам чартарнымі і бюджэтнымі авіякампаніямі, мае абмежаваны набор паслуг і не мае тэлетрапаў. Сувязь паміж тэрміналамі ажыццяўляецца бясплатнымі аўтобусамі-шатламі (Navettes Aeroport), якія курсіруюць кожныя сем хвілін. У аэрапорце знаходзіцца мноства бараў, рэстаранаў і крамаў.
Асноўны перасадачны вузел (хаб) нацыянальнай авіякампаніі Air France. Штодзень прымае і адпраўляе звыш 1400 рэйсаў больш чым 100 авіякампаній. Абслугоўвае каля 150 000 пасажыраў у дзень.
This article uses material from the Wikipedia Беларуская article Міжнародны аэрапорт імя Шарля дэ Голя, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.