Артэк — міжнародны дзіцячы цэнтр.
Размешчаны на паўднёвым беразе Крыма ў пасёлку Гурзуф. У савецкі час — самы знакаміты піянерскі лагер СССР і візітная картка піянерскай арганізацыі краіны.
Артэк | |
---|---|
Краіна | |
Адміністрацыйны цэнтр | |
Тып арганізацыі | summer camp facility[d] і установа[d] |
Заснаванне | |
Дата заснавання | 16 чэрвеня 1925 |
Узнагароды | |
artek.org | |
Медыяфайлы на Вікісховішчы |
«Лагер-санаторый у Артэку» (першапачатковая назва дзіцячага цэнтра) створаны ў 1925 годзе па ініцыятыве старшыні Расійскага таварыства Чырвонага Крыжа, ураджэнца Гродна Зіновія Пятровіча Салаўёва. Першым яго кіраўніком стаў доктар Фёдар Фёдаравіч Шышмароў. Першая змена «Артэка» адкрылася 16 чэрвеня 1925 года. Паступова «Артэк» з невялікага летняга намётавага лагера вырас ў адзін з самых буйных у свеце комплексаў дзіцячага адпачынку.
Ганаровымі гасцямі «Артэка» ў розныя гады былі Жан-Бедэль Бакаса, Леанід Брэжнеў, Юрый Гагарын, Індзіра Гандзі, Урха Кеканен, Мікіта Хрушчоў, Джавахарлал Неру, Ота Шміт, Лідзія Скоблікава, Пальміра Тальяці, Хо Шы Мін, Бенджамін Спок, Міхаіл Таль, Валянціна Церашкова, Леў Яшын. У ліпені 1983 года «Артэк» наведала амерыканская дзяўчынка Саманта Сміт.
Падобныя, хоць і менш знакамітыя, піянерскія лагеры былі і ў іншых рэспубліках СССР. Другое месца па прэстыжнасці займаў Усерасійскі піянерскі лагер «Арляня» (Краснадарскі край, РСФСР). Далей ішлі рэспубліканскія лагеры адпачынку «Зубраня» (Мінская вобласць, БССР), «Акіян» (Прыморскі край, РСФСР) і «Маладая гвардыя» (Адэская вобласць, УССР).
This article uses material from the Wikipedia Беларуская article Артэк, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.