Эмбіент: музычны жанр
Э́мбіэнт (па-ангельску: ambient — «навакольны, ахінальны») — напрамак электроннае музыкі, які характарызуецца адыходам ад лінейна разгорнутай мэлёдыі, уласьцівай клясычным музычным жанрам, у бок вольнае кампазыцыі гукавых эфэктаў.
Разгортваньне твору адбываецца праз апэраваньне фарбай гуку; іншым тыповым кампазыцыйным захадам ёсьць паўтор кароткага мэлядыйнага ўрыўка, які пры кожным прайграваньні мінімальна мадыфікуецца.
Эфэктам выкарыстаньня такіх тэхнік становіцца зрушэньне акцэнта з пасьлядоўнасьці гукаў на іх гучаньне. Такім чынам, музыка эмбіент становіцца статычнай й успрымаеца быццам бы па-за часам. У гэтым пляне яна вельмі часта выкарыстоўваецца для мэдытацыі.
Як музычны жанр, эмбіент улучае ў сябе элемэнты цэлага шэрагу розных стыляў: электроннае музыкі, нью-эйджа, нойза, сучаснае акадэмічнае музыкі, этнамузыкі й інш.
Гісторыя
Эмбіент сягае каранямі ў авангардную музыку пачатку ХХ стагодзьдзя — францускі кампазытар Эрык Саці (1866—1925) пачаў ужываць тэрмін «musique d’ameublement» («мэблевая музыка») для фонавае музыкі. Уласна тэрмін «эмбіент» увёў ва ўжытак брытанскі кампазытар Браян Іна ў сярэдзіне 1970-х, які сам сябе называў «ня-музыкам».
 | Гэта — накід артыкула па музыцы. Вы можаце дапамагчы Вікіпэдыі, пашырыўшы яго. |
This article uses material from the Wikipedia Беларуская (тарашкевіца) article Эмбіент, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.