Феафан Шырокі
Феафан Сергіёнак Шырокі (Fieafan Sierhijonak Šyroki; 16 кастрычніка 1894, Міхалёва 2-е, Бортнікаўская воласьць, Бабруйскі павет, Менская губэрня, Расейская імпэрыя, цяпер Бортнікаўскі сельсавет, Бабруйскі раён, Магілёўская вобласьць, Беларусь — ?) — савецкі вайсковы дзеяч, генэрал-маёр авіяцыі (1944).
Феафан Шырокі | |
| Род дзейнасьці | генэрал-маёр авіяцыі (1944) |
|---|---|
| Дата нараджэньня | 16 кастрычніка 1894 |
| Месца нараджэньня | Міхалёва 2-е, Бортнікаўскі сельсавет, Бабруйскі раён |
| Дата сьмерці | 20 студзеня 1979 (84 гады) |
| Месца сьмерці | |
| Месца пахаваньня | |
| Узнагароды |                |
Біяграфія
Ад 1915 ў войску. Ад кастрычніка 1917 у Чырвонай гвардыі, потым у Чырвонай Арміі. Удзельнік Грамадзянскае вайны, баёў на Ўсходнім, Паўднёвым і Заходнім франтох, ліквідацыі бандытызму.
Скончыў Барысаўскую лётную школу (1924), курсы ўдасканаленьня пры ваеннай акадэміі імя Жукоўскага (1930). 5 ліпеня 1938 арыштаваны НКУС, абвінавачваўся па артыкуле 58-1«б»-11 — здрада Радзіме вайскоўцам. На момант арышту быў сябрам-кандыдатам у сябры УКП (б), камандзірам 20-е авіябрыгады; пражываў у сяле Чарнышоўка (Анучынскі раён, Прыморскі край, РСФСР). Пад сьледзтвам знаходзіўся ў турме гораду Варашылаў. Вызвалены 2 студзеня 1940 празь недаказанасьць складу злачынства.
У нямецка-савецкую вайну ад 1941 — намесьнік камандзіра цяжкай бамбавальнай авіядывізіі, камандзір авіядывізіі далёкага дзеяньня. Удзельнік баёў пад Масквой, Ленінградам, Сталінградам, Курскам, вызваленьня Ўкраіны, Беларусі, Вісла-Одраскай, Усходне-Прускай і Бэрлінскай апэрацыяў. 5 лістапада 1944 прызначаны генэрал-маёрам авіяцыі.
Ад 1946 у запасе, потым у адстаўцы. Узнагароджаны ордэнам Леніна, 4 іншымі ордэнамі, мэдалямі.
Вонкавыя спасылкі
This article uses material from the Wikipedia Беларуская (тарашкевіца) article Феафан Шырокі, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.