Распад Ссср
Распа́д СССР — палітычны працэс, які распачаўся ў 1990 годзе з прыняцьцем Даклярацыяў незалежнасьці шэрагам сяброў Зьвязу (у тым ліку й БССР) і завяршыўся 8 сьнежня 1991 году падпісаньне Белавескіх пагадненьняў.
Прычынамі распаду Зьвязу былі: неразьвязанасьць у СССР нацыянальнага пытаньня, застой у эканоміцы й іншыя. Пры гэтым гэтыя фактары паасобку ня несьлі вызначальнай пагрозы, але канкрэтны зьбег абставінаў прывёў да развалу СССР. Важным фактарам было супрацьстаяньне Барыса Ельцына й Міхаіла Гарбачова. Да 1990 году іх патэнцыял як дзеячоў зраўняўся, і ніводны зь іх не жадаў дзяліцца ўладаю з другім. У сакавіку 1990 году абвесьціла незалежнасьць Летува. Урад СССР абвесьціў аб намеры падпісаць новую зьвязную дамову. А гэта фактычна ставіла пад сумнеў дамову ад 1922 году. Нягледзячы на шматлікія цяжкасьці, у ліпені 1991 году новая дамова была распрацаваная. Плянавалася падпісаць яе 20 жніўня таго ж году. Але жнівеньскі путч перарваў усе спробы. Адна за адной рэспублікі абвяшчала поўны сувэрэнітэт. 24 жніўня гэта зрабіла УССР, 25 жніўня — БССР. Працэс стаў незваротны, ён імкліва разьвіваўся. У верасьні 1991 году канчаткова сфармавалася Рэспубліка Беларусь — з новымі сымбалямі й новым назовам.
Глядзіце таксама
|
|
|---|
This article uses material from the Wikipedia Беларуская (тарашкевіца) article Распад СССР, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.