Байкавыя могілкі — нэкропаль у Кіеве, помнік гісторыі й культуры. Адзін з найстарэйшых некропаляў, які захаваўся ў горадзе, першыя пахаваньні на могілках датуюцца 1834 годам. Плошча — 72,47 га. Закрыты для масавых пахаваньняў.
Сваю назву могілкі атрымалі ад прозьвішча генэрал-маёра Сяргея Васільевіча Байкава, героя дзьвюх войнаў — француска-рускай 1812 году й маскальска-турэцкай 1828-1829 гадоў, на набытай зямлі якога часткова разьмешчана (насуперак распаўсюджанаму меркаваньню, цела самога генэрала пахавана не тут, а ў Санкт-Пецярбургу).
Першапачатковая назва — Навастроенскае. Першыя пахаваньні былі праведзены лютэранскай абшчынай Кіева. Гэта было зьвязана з тым, што старыя лютэранскія нямецкія могілкі, адкрытыя ў XVІІ стагодзьдзі, якія знаходзіліся ў нізіне, рэгулярна падвяргаліся паводкам, з-за чаго надмагільныя пліты размываліся, а труны выходзілі на паверхню з-пад зямлі, паводле сьведчаньняў сучасьнікаў, у некаторых месцах нават рэшткі пахаваных, таму лютэране пачалі пераносіць магілы зь нізін на больш высокае месца. У 1831 г. лютэранскай і каталіцкай абшчынам афіцыйна была выдзелена зямля для пахаваньняў на высокім правым беразе ракі Лыбедзь, але канчаткова працэс пераносу магіл сюды завяршыўся ў 1839 г., калі былі зачынены старыя лютэранскія могілкі.
Сярод вядомых украінцаў, пахаваных на могілках: Міхайла Грушэўскі, Мікалай Лысенка, Максым Рыльскі, Уладзімір Сасюра, Леся Ўкраінка. Сярод вядомых беларусаў, пахаваных на могілках: Сяргей Палуян [1]
This article uses material from the Wikipedia Беларуская (тарашкевіца) article Байкавыя могілкі, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.