Хаж-Ахмед Нухаеў: чачэнскі дзяржаўны дзяяч
Хажахмед Таштаміравіч Нуха́еў (нарадзіўся 11 лістапада 1954, вёска Калінінская, Кіргіская ССР, СССР) — чачэнскі дзяржаўны дзяяч, намесьнік начальніка ўраду Ічкерыі, старшыня грамады чачэнцаў «Ноджы Лата Іслам».
| Хажахмед Таштаміравіч Нуха́еў | |
| 11 лістапада 1954 — ? * | |
| Месца нараджэньня | вёска Калінінская, Кіргіская ССР, СССР |
|---|---|
| Месца сьмерці | ? |
| Прыналежнасьць |  ЧРІ |
| Род войскаў | зьнешняя выведка войска Ічкерыі |
| Камандаваў | войска Ічкерыі |
Паходжаньне
Нарадзіўся ў 1954 годзе ў вёсцы Калінінская Калінінскага раёну Кіргіскай ССР, СССР, дзе жылі яго бацькі пасьля іх высяленьня з Чачэніі. У 1957 годзе ён разам зь сям’ёй вярнуўся ў ЧІАССР.
Дарослае жыцьцё
У 1970-я гады спрабаваў вучыцца, але яму гэта не ўдалося. Пачаў займацца злачынствамі ў Маскве. Стаў адным з паважаных злачынцаў сярод чачэнскіх грамадаў у Маскве. 15 сакавіка 1991 году быў асуджаны за спробу рабаваньня дырэктара каўбаснага цэха на восем гадоў астрогу. Але 7 сьнежня 1991 году быў выданы ўладам Ічкерыі й затым звольнены.
Служба ў Ічкерыі
З 1994 па 1996 гады ўзначальваў зьнешнюю выведку Ічкерыі. Пасьля сьмерці Дж. Дудаева стаў намесьнікам начальніка ўраду Ічкерыі, але пасьля прыходу да ўлады А. Масхадава Х. Нухаеў пакідае Ічкерыю й едзе ў Заходнюю Эўропу, дзе ўзначаліў прадпрыемства «Міжкаўкаскае энэргетычнае прадпрыемства». Хутчэй за ўсё прадаваў праз гэта прадпрыемства нафту з Ічкерыі.
Далейшы лёс
Далейшы лёс Х. Нухаева невядомы. Ёсьць чуткі, што ён жывы, але ёсьць чуткі, што памёр. Прынамсі цяпер няма ніякіх прымет яго грамадзкай або вайсковай дзейнасьці.
This article uses material from the Wikipedia Беларуская (тарашкевіца) article Хаж-Ахмед Нухаеў, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.