«На Захо́днім фро́нце нічо́га но́вага» (па-ангельску: All Quiet on the Western Front) — вайсковый фільм 1930 году рэжысэра Льюіса Майлстоўна, зьняты паводле раману славутага рамана Эрыха Марыя Рэмарка.
Узнагароджаны дзьвюма прэміямі «Оскар» як найлепшы фільм году і за рэжысуру Майлстоўна, у 1990 годзе ўключаны ў Нацыянальны рэестар фільмаў ЗША.
Фільм пра Першую сусьветную вайну і маладога нямецкага жаўнера Паўля Боймера…
Для буйнамаштабных батальных сцэнаў і піратэхнічных эфэктаў больш за 20 акраў зямлі Ірвін Ранча ў Каліфорніі былі ператвораныя ў палі бітваў, на якіх знаходзілася больш за 2000 «салдат». Гэта быў першы гукавы фільм, які выкарыстоўвае гіганцкі перасоўны кран з камэрай, у прыватнасьці для здымак рэалістычных батальных сцэн, і адзін зь першых гукавых фільмаў, у якім шырока выкарыстоўваліся рухомыя кінакамэры.
Выпушчаны першапачаткова ў 140-хвіліннай вэрсіі, фільм у далейшым скарачаўся да 110 і нават 90 хвілін. Гэтыя ўсечаныя вэрсіі, якія не перадаюць атмасфэру таго часу, выдаюцца і ў цяперашні час. У 1939 годзе была выпушчаная вэрсія з адмысловай антынацысцкай устаўкай .
Згуляўшы ролю Паўля Боймера і атрымаўшы падчас працы над фільмам пэўны маральны вопыт, актор Лью Эйрс адмовіўся ад вайсковай службы ў пэрыяд Другой сусьветнай вайны па маральна-этычных мэркаваньнях, што выклікала рэзананс у грамадзтве, Эйрс служыў мэдыкам амэрыканскага Чырвонага Крыжа на Ціхаакіянскім фронце.
Прадусар фільму Карл Лэмле быў вельмі незадаволены тым, што фільм будзе мець трагічны канец (адпаведна раману) і патрабаваў у Майлстоўна перарабіць яго ў хэпі-энд. На гэта Майлстоўн зьедліва адказаў, што ў такім выпадку вайну ў фільме выйграюць не французы, а немцы, пасьля чаго канфлікт скончыўся.
This article uses material from the Wikipedia Беларуская (тарашкевіца) article На Заходнім фронце нічога новага (фільм, 1930), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.