Футбольны Клюб Нант: францускі футбольны клюб

Клюб быў заснаваны 21 красавіка 1943 году падчас Другой сусьветнай вайны, на базе мясцовых клюбаў, якія існавалі ў горадзе й вырашылі сабрацца разам, каб сфармаваць адзін вялікі клюб. «Нант» на працягу сваёй доўгай гісторыі пераважна гуляў у Лізе 1, але з 2008 году страціў такую магчымасьць з-за вылету ў Лігу 2, аднак з сэзону 2013—2014 гадоў клюб зноўку выступае ў найвышэйшым францускім дывізіёне.

Нант
Поўная назва	Football Club de Nantes
Заснаваны	1943
Горад	Нант, Францыя
Стадыён	Бажуар Умяшчальнасьць: 38 285
Кіраўнік	Вальдэмар Кіта[d]
Галоўны трэнэр	Антуан Камбуарэ[d]
Чэмпіянат	Ліга 1
· 2022—2023	16 месца
Хатнія колеры Выязныя колеры
Галерэя здымкаў у Вікісховішчы Афіцыйны сайт

«Нант» зьяўляецца адным з самых пасьпяховых клюбаў у францускім футболе, маючы на сваім рахунку восем тытулаў чэмпіёна Францыі, тры Кубкі Францыі й адзіны дасягнуты Кубак лігі. Клюб славіцца сваім камандным духам і юнацкай акадэміяй, выпускнікамі якой у розныя часы былі Марсэль Дэсаі, Дыд’е Дэшам, Мікаэль Ляндро й Крыстыян Карамбё. Дзякуючы сваім традыцыйным жоўта-зялёным колерам «Нант» мае мянушку — «канаркі».

У 1943 годзе ў Нанце існавала пяць футбольных клюбаў, «Сэн-П’ер», «Стад Нант», «Батыньнёль», «Нантэз» і «Мэлінэ». Тым ня менш, мінавіта мэнэджар клюбу «Мэлінэ», Марсэль Сапэ, зразумеў, што Нант можа мець больш шанцаў да спартовых посьпехаў, калі ўсе пяць клюбаў будуць аб’яднаны ў адзіны клюб. Пасьля зьліцьця ўсіх пяці камандаў Сапэ сказаў, што на сёньня клюб ёсьць маленькай камандай, але якая неўзабаве стане вялікай, калі ўсе хто датычны клюбу будуць працаваць разам. Зялёныя й жоўтыя колеры клюбу былі абраны са спасылкай на гоначную каманду Жана Ле Гію, які быў адным з заснавальнікаў клюбу.

Пасьля першага сэзону, Сапэ разам зь іншымі чальцамі клюбу зьехаў у Парыж, дзе існавала вялікая колькасьць маладых футбалістаў, якія жадалі зьехаць у правінцыю, каб пазьбегнуць дэпартацыю ў Нямеччыну дзеля ўдзелу ў прымусовых працоўных групоўках. Тутака Марсэль знайшоў прафэсійнага трэнэра, а таксама некалькіх гульцоў, пасьля чаго Сапэ атрымаў пасаду старшыні клюбу ў 1944 годзе. Пасьля некаторых посьпехаў каманды, ейнага добрага фінансаваньня й таму, што Сап быў сябрам Габрыеля Ано, клюб быў прыняты да ўдзелу ў групу ўпаўнаважаных клюбаў (франц. Groupement des clubs autorisés), якая сталася папярэднікам Лігі прафэсійнага футболу (франц. Ligue de Football Professionnel), а пасьля стала прафэсійнай камандай, пасьля сканчэньня Другой сусьветнай вайны ў ліпені 1945 году.

Першы свой матч як прафэсійны клюб «Нант» правёў супраць клюбу «Сэркль Атлетык Пары», які адбыўся на стадыёне «Алімпік дэ Калёмб» і скончыўся перамогай клюбу з поўначы краіны зь лікам 2:0. Першую хатнюю гульню клюб пачаў з паразы з такім жа лікам ад «Труа». Клюб фінішаваў пятым у канцы першага сэзону, пасьля чаго галоўны трэнэр Эмэ Нюік пакінуў клюб пасьля спрэчкі, а яго зьмяніў Антуан Рааб які ўзяў на сябе ролю гуляючага трэнэру. Пасьля перамогаў у 16 матчах запар, «Нант» атрымаў збуральную паразу дт лікам 9:0 ад «Сашо». У 1963 годзе гарадзкі савет вырашыў накіраваць значныя субсідыі ў клюб, каб дапамагчы яму прасунуцца ў наступны дывізіён.

• Чэмпіён Францыі: 8
  • 1965, 1966, 1973, 1977, 1980, 1983, 1995, 2001
• Уладальнік Кубку Францыі: 3
  • 1979, 1999, 2000
• Уладальнік Супэркубку Францыі: 3
  • 1965, 1999, 2001
• Уладальнік Альпійскага кубку: 1
  • 1982

Актуальны на 11 лютага 2024 году

№ Пазыцыя Імя Год нараджэньня 1   Бр Альбан Ляфон 1999 2   Аб Жан-Кевэн Дзювэрн 1997 3   Аб Нікаля Каза (ар. Вольфсбург) 1999 4   Аб Нікаля Палюа 1987 5   ПА Пэдра Чырывэльля (капітан) 1997 6   ПА Дуглас Аўгусту 1997 7   Нап Ігнацыюс Ганаго 1999 8   ПА Самюэль Мутусамі 1996 11   Нап Маркюс Како 1996 12   Нап Кадер Бамба 1994 15   Нап Тына Кадэвэрэ (ар. Ліён) 1996 16   Бр Рэмі Дэшам 1996 17   ПА Муса Сысако 1989

№ Пазыцыя Імя Год нараджэньня 21   Аб Жан-Шарль Кастэльето 1995 23   Нап Стрэдэр Апюа 2004 24   Аб Эрай Джэмэрт (ар. Валенсія) 1998 25   ПА Фляран Мае 1991 27   Нап Мойзэс Сайман 1995 30   Бр Дэніс Пэтрыч 1988 31   Нап Мастафа Магамэд 1997 39   Нап Матыс Аблен (ар. Рэн) 2003 44   Аб Натан Зэзэ 2005 45   Аб Баст’ен Мёпію 2006 77   Нап Бэні Траарэ (ар. Шэфілд Юн.) 2002 98   Аб Кельвэн Аміян 1998

• Афіцыйны сайт