Папа Рымскі Грыгорыюс V
Грыгорыюс V (па-лацінску: Gregorius PP.
V), сьвецкае імя Бруна Карынтыйскі (па-нямецку: Bruno von Kärnthen; каля 972 году, Штайнах, Сьвятая Рымская імпэрыя — 18 лютага 999 году, Рым, Папская вобласьць) — папа рымскі з 3 траўня 996 году па сваю сьмерць у 999 годзе. Папа зьяўляўся сынам Атона I герцага Карынтыі, а таксама праўнукам імпэратара Сьвятой Рымскай імпэрыі Атона I. Стаў пераемнікам папы Яна XV ва ўзросьце 24 гадоў. Лічыцца першым нямецкім папам ці другім, калі браць ва ўлік папу Баніфацыюса II, які быў остготам паводле паходжаньня.
 | |
| Пасьвечаньні | |
|---|---|
| Кансэкрацыя | Вілігіз |
| Асабістыя зьвесткі | |
| Нарадзіўся | 972
|
| Памёр | 23 лютага 999 |
| Пахаваны | |
| Дэнамінацыя | Каталіцкая царква |
| Бацькі | Атон I[d] Юдыта Баварская[d] |
| Заняткі | каталіцкі сьвятар, пісьменьнік |
Падчас панаваньня выдаў вялікую колькасьць прывілеяў манастырам Сьвятой Рымскай імпэрыі. Каранаваў Атона III у якасьці імпэратара 21 траўня 996 году. Разам празь некалькі дзён яны склікалі сынод, на якім яны аднавілі на сваёй пасадзе арцыбіскупа Рэймскага Арнульфа, а на ягоны спадкаемца Гербэрт д’Арыяк, будучы папа Сыльвэстар II, быў асуджаны як парушальнік. Кароль Францыі Робэрт II, які настойваў на сваім праве прызначаць біскупаў, быў у канчатковым рахунку вымушаны адступіць.
У Рыме Грыгорыюс V меў апазыцыю з боку антыпапы Яна XVI, якога падтрымліваў уплывовы рымскі патрыцый Ян Крэсцэнцыюс. Грыгорыюс V быў зрынуты з пасады, аднак яму на дапамогу выправіўся імпэратар Атон III, які захапіў Рым. Антыпапа Ян XVI быў вымушаны зьбегчы з гораду, а Ян Крэсцэнцыюс схаваўся ў замку Сьвятога Анёла. Войска імпэратара схапіла і затрымала Яна XVI, яму адрэзалі нос і вушы, вылупілі язык і асьляпілі, пасьля чаго правялі па вуліцах Рыму. Замак Сьвятога Анёла быў аброжаны, а пасьля таго як быў захоплены Ян Крэсцэнцыюс быў засілены на сьцянох замку.
Памёр раптоўна 18 лютага 999 году. Верагодна быў забіты. Пахаваны ў базыліцы Сьвятога Пятра каля папы Пэлягіюса I.
Крыніцы
Вонкавыя спасылкі
Грыгорыюс V (папа рымскі) — сховішча мультымэдыйных матэрыялаў
- Грыгорыюс V. Catholic Encyclopedia.
This article uses material from the Wikipedia Беларуская (тарашкевіца) article Грыгорыюс V (папа рымскі), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.