Арон Ізра́ілевіч Га́йстэр (6 студзеня 1899, Бабруйск — 30 кастрычніка 1937) — савецкі дзяржаўны дзеяч, эканаміст—аграрнік.
Акадэмік УАСГНІЛ.
Нарадзіўся ў сям'і рамесьніка-гарбара. Ад 1919 году сябар ВКП(б). Скончыў Інстытут чырвонай прафэсуры. У 1930—1932 сябар Прэзыдыюму Дзяржпляну СССР, у 1932—1934 намесьнік Старшыні Дзяржпляну СССР, курыраваў сельскую гаспадарку, у 1934—1937 намесьнік Народнага Камісара Земляробства СССР. Вёў выкладчыцкую працу ў ВНУ.
Жонка — Рахіль Ізраілеўна Каплан (1897-?). Зь ёй меў дачок Іну (1925-), Натальлю (1930-), Валеру (1936-).
26 чэрвеня 1937 году арыштаваны. 29 кастрычніка 1937 году Вайсковай калегіяй Вярхоўнага суду СССР асуджаны да вышэйшай меры крымінальнага пакараньня — расстрэлу з канфіскацыяй асабіста яму прыналежнае маёмасьці. «Прысуд канчатковы, абскарджаньню не падлягае і на падставе закона ад 1 сьнежня 1934 году прыводзіцца ў выкананьне неадкладна». 30 кастрычніка 1937 году расстраляны.
Вінаваціўся ў тым, што «зьяўляючыся трацкістым з 1923 году, у 1931 годзе ўступіў у контррэвал. арганізацыю правых у Дзяржпляне СССР, у 1935 годзе ўсталяваў сувязь з антысавецкай тэрарыстычнай арганізацыяй правых у НКЗ СССР, зьяўляючыся ў наступстве адным зь яе кіраўнікоў, праводзіў шкодніцтва ў галіне сельскае гаспадаркі, як у ДЗЯРЖПЛЯНЕ СССР, так і ў НКЗ СССР».
12 траўня 1956 году рэабілітаваны Вайсковай калегіяй Вярхоўнага суду СССР.
This article uses material from the Wikipedia Беларуская (тарашкевіца) article Арон Гайстэр, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.