«Апалён-11» (па-ангельску: Apollo 11) — пілятаваны касьмічны карабель сэрыі «Апалён», які першым зьдзейсьніў пілятаваную чалавекам пасадку на Месяц 20 ліпеня 1969 року.
У 20:17:39 UTC Ніл Армстранг і Баз Олдрын пасадзілі месяцовы модуль карабля ў паўднёва-заходнім раёне Мора спакою. Яны заставаліся на паверхні Месяцу на працягу 21 гадзіны 36 хвілінаў і 21 сэкунды. Увесь гэты час пілёт каманднага модулю Майкл Колінз чакаў іх на калямесяцовай арбіце.
Астранаўты зьдзейсьнілі адзін выхад на паверхню Месяца, якое працягвалася 2 гадзіны 31 хвіліну 40 секундаў. Першым чалавекам, які крочыў па паверхні Месяцу, стаў Ніл Армстранг. Гэта адбылося 21 ліпеня а 02:56:15 UTC. Празь 15 хвілінаў да яго далучыўся Олдрын.
Астранаўты ўсталявалі на месцы пасадкі сьцяг ЗША, разьмясьцілі камплект навуковых прыладаў і ўзялі 21,55 кг узораў месяцовага грунту, якія былі пасьля дастаўлены на Зямлю. Пасьля прызямленьня удзельнікі місіі й узоры грунту прайшлі строгі карантын, які ня выявіў ніякіх чужаземных мікраарганізмаў.
Пасьпяховае выкананьне праграмы палёту «Апалёна-11» азначала дасягненьне нацыянальнай мэты, пастаўленай прэзыдэнтам ЗША Джонам Кенэдзі ў траўні 1961 року — да канца дзесяцігодзьдзя ажыцьцявіць высадку на Месяц.
This article uses material from the Wikipedia Беларуская (тарашкевіца) article Апалён-11, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.