Si Cristóvão Lopes (c.1516–1594) sarong Portuges na pintor.
Si Cristóvão Lopes aki asin disipulo kan pintor real na si Gregório Lopes, na nagadan kan 1550. Si Cristóvão nagsangle sa ama niya komo pintor real ni King John III kan 1551. Nin huli ta mayong mga trabaho na midbid na saiya bago kan panahon dai pa gadan ama niya, asumido na si Cristóvão nagtatrabaho sa talyer kan saiyang ama.
Dikit na pininta an pirmado sa saiyang kamot, orog na ta dai niya man pinipirmahan saiyang mga obra. An ki Cristóvão Lopes na istilo nin pagkurit nagtataong suspetsa na siya nagtrabaho ki Olandes na pintor nin mga retrato na si Antonis Mor (midbid man sa pangaran na Antonio Moro) na nagdayo sa Portugal kan mga 1550 ta nagpinta man kan pamilya real.
Si Cristóvão Lopes iyo an pintor nin sarong retablo para sa Convent of Madre de Deus sa Lisbon, sa parteng alta kan koro nin simbahan, na nagdadara kan mga retrato kan hade asin reyna, si John III asin agom niyang si Catherine of Austria (o Habsburg). Iba pang mga retrato na nasasabing saiya ngonyan nakadayaw sa National Museum of Ancient Art, sa Lisbon. Siya man an pintor nin sarong alegoriya nin Pagkamaherak para sa Simbahan Misericórdia sa Sesimbra.
Huli kaya ta si Lopes dai ginuguhit an pangaran niya sa saiyang mga pinta, dakul kaini sinasabi sanang saiya (o sa talyer niya). Dakul man mga kopya kan mga trabaho nin iba, halimbawa si Antonis Mor.
This article uses material from the Wikipedia Bikol article Cristóvão Lopes, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Bikol (DUHOCTRUNGQUOC.VN) is an independent company and has no affiliation with Wiki Foundation.