1863 Metu Sokėlėms
1863 metu sokėlėms, žemaitiūs da šaukts klausotmetio (ba sokėlelē vėsūmet liuob klaus, kamė ī cara karioumenė) bova sokėlėms Lėnkėjės ė Lietovuos bovosės valstībės vėituo (tas ī: Lėnkėjuo, Lietovuo, Okraėnuo ė Baltarosėjuo) prīš Carėnės Rosėjės valdė, katros vīka nug 1863 m.
sausė 22 d. lėgo 1864 m. balondė 11 dėinas.
Sokėlėms kėla diel vairiū prīžastiū: žmuonis nenuoriejė ētė i rekrūtus (25 metam i carėnė karioumenė), vėsuo Euruopuo prasidiejė kuovės diel liousībės, tūdie ė lėnkā nuorėjė atkortė sava šali, Rosėjė kariava Krīma karė, vuo Onglėjė pradiejė kostintė sokėlėma Rosėjės vėdou, tep nuoriedama laimietė vaina.
I sokėlėma iejė daugomuo puonā, lėnku karėninkā, konėgā. Sokėlielē kostėna ė paprastus žmuonis dietėis i sokėlėmā ė žadiejė, ka jēgo laimies, palėks „valnās lėnkās“. Sokėlelē („klausotē“) ožiemėniejė miestalius, ginklu skladus, žandarėjės, poldėniejė carėnė karioumenė. Sokėlėmā vadā bova Kuostos Kalėnauskis, Zėgmos Sierakauskis, Ontuons Mackevėčė.
Sokėlelē pralaimiejė – bova pakartė aba ėšvežtė i katuorga, anūm žemės nūsavėntas. Bova oždarīta daugoms katalėku bažninčiu ė vėinoulīnu, oždrausts rašīms luotīnėškuom raidėm, i Lietova ė Lėnkėjė atkrausīta daug rosu, īpatingā staravieru.
This article uses material from the Wikipedia Žemaitėška article 1863 metu sokėlėms, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Torėnīs pateikts so CC BY-SA 4.0 lėcencėjė, jēgo nie parašīta kėtāp. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Žemaitėška (DUHOCTRUNGQUOC.VN) is an independent company and has no affiliation with Wiki Foundation.