S Sterbböiddl oda Sterbbuiddl is a kloana Zeddl im Format A 7 oda a oamoa zsammgfaedds A-6-Bladdl, des wia bo Beerdigunga zua Erinnarung austaelt werd.
Der Artikl is im Dialekt Niadaboarisch (Doanagegnd) gschriem worn. |
Ma findt dadrauf an Nama und s Geburts- und Todesdatum vo dem oda dea Gstorbenen, oft aa a Foto davo, maestns a kurzes Gebet oda an kuazzn besinnlichn Text, und wenn s meara wia zwo Saeddn had, oft aa no a Böiddl von am Kraez oda vo da Muadagottes oda vo sunst am passedn Motiv.
Wenn ma auf d Laech geht, dann kriagd ma des Sterbböiddl entweder unter da Opfarung beim Sammeln, oda es is in da Kiach a Körbe aufgstellt mit dene Böiddl und ma nimmd se oans und legt a weng a Kloagöed dafia eine. A oida, scho weithi abkemmena Brauch is dea, das nach da Kommunion oda ganz am End vom Gottesdeanst d Laet zum Opfa gengend: Raehenwaes werd da fiareganga und in a Schaln oda a Körbe a Münzn eineglegt und dadafia kriegt ma s Sterbböiddl ausghändigt.
This article uses material from the Wikipedia Boarisch article Sterbbuidl, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Boarisch (DUHOCTRUNGQUOC.VN) is an independent company and has no affiliation with Wiki Foundation.