Des is a Wendezug, dea aus sechs Zwischnwogn und an Steiawogn vom Typ Siemens Viaggio Comfort, sowia ana Taurus-Lok bsteht. Da Railjet is ana vo de schnööstn lokbspauntn Züge vo da Wöd, sei Höchstgschwindigkeit beträgt 230 km/h. Ea is aum 15. September 2008 da Öffantlichkeit vuagstöt wuan und seit Foahplaunwechsl 2008/2009 im Eisatz. 2012 hod a de tschechische Stootsbauhn suichane Züge bstööt. Railjet is aa a eigane Zugklassn.
De Sitz san vü z'hoat, de Lehnan is z'stöö und se quiatschn, waunst de draufsetzt
A de Drehgestöö quiatschn fiachtalich bei de Weichn
Die Loks san fast imma (optisch) foisch herum greiht. Wauns de Traktion ned schafft, de Loks richtig herum draht zan bereitstön (und des wiad ihna ziemli wuascht sei), hättns a neitrole Lackiarung wöön suin, wos wuascht is, wöche Seitn hintn oda vuan is.
Triebzüge san internationäu übli, de ÖBB haum de Railjets nur desweng ois Wendezüge bschofft, wäu's sunst z'vü Taurus-Loks iwa ghobt hättn
Fia de Südbauhn is a Afochgoanitua zweng, owa a Dopplgoanitua geht se ned aus, drum muass ma se täuweis mit umständlichn Schleidawogn behööfn
De 1. Klass is oft laar, de Businessklass sowieso, owa in da 2. Klass san de Pendlasitz iwabelegt. Fia Foahradln is zweng Plotz.
De laungan Direktlaife, wia z. B. Prag - Wean - Graz, san oft vaspätet. Wäu in den Taktknotn aa de Aunschlusszüge woatn miassn, bringans so ihn gaunzn Foahplaun duachanaund
De finstare Foabgebung in dunklrot/grau is ned grod eilodend (owa des is Gschmockssoch)
This article uses material from the Wikipedia Boarisch article Railjet, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses. ®Wikipedia is a registered trademark of the Wiki Foundation, Inc. Wiki Boarisch (DUHOCTRUNGQUOC.VN) is an independent company and has no affiliation with Wiki Foundation.