Ciudad Victoria is de Haptstod vom mexikanischn Bundesstoot Tamaulipas. Se liegd im Zentrum vom Bundesstoot und hod 305.155 Eihwohna. Ciudad Victoria is zudem Vawoitungssiez vom Municipio Victoria.
Gschicht
Ciudad Victoria is om 6. Oktoba 1750 ois: Villa de Santa María de Aguayo vom José de Escandón grindd worn, benonnd nochm easchtn Gouverneur vo da Kolonie Nuevo Santander im Vizekenigreich Neispanien. De Stod is in dea fia spanische Kolonioistädt tipischn quadratischn Foam um oan zentroin Ploz, de heitige Plaza Hidalgo, oglegd worn.
Om 20. Aprui 1825 hod Ciudad Victoria an Status vo ana Stod griagd und is zu Ehrn vom mexikanischn President Guadalupe Victoria noch iahm bnennd worn. Se is Haptstod vo Tamaulipas worn. Seit 1871 is Ciudad Victoria Siez vo om remisch-katholischn Bistum. 1890 is a Eisnbohstreckn baud worn, de vo Monterrey noch Tampico gfiahd hod.
De Eaeffnung vo da Stroß vo Mexiko-Stod noch Laredo, de in de 1930a Joar an Beginn vom Panamericana-Netzweak buidd hod, hods Stodbuid vaendad. De Funkzion vo da Stod ois Duachgongs- und Knotnpunkt im Noadn vo Mexiko is duachn Bau vo weidan Stroßn zua US-amerikanischn Grenz weida vasteakd worn. Seit 1941 vafuigd Ciudad Victoria iwa'n Flughofn El Petaqueño.
Infrastruktua
Ciudad Victoria vafuigd seit de 1960a Joar iwa a Universitet sowia meahrare Foaschungseihrichtunga und Hähare Schuin.
Da nerdliche Wendekroas tangiad ba 23° 27′ neadlicha Broadn an Sidrond vo da Stod.
Im Netz
This article uses material from the Wikipedia Boarisch article Ciudad Victoria, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Boarisch (DUHOCTRUNGQUOC.VN) is an independent company and has no affiliation with Wiki Foundation.
.jpg)
– Sammlung vo Buidl, Videos und Audiodateien