Sri Mulyani Indrawati, S.E., M.Sc., Ph.D inggih punika Menteri Keuangan Republik Indonésia sané mangkin.
Dané embas ring Tanjung Karang, Lampung tanggal 26 Agustus 1962.
Dané wantah oka ka-7 saking Prof. Satmoko sareng Retno Sriningsih sané mawit saking Gombong, Kebumén. Wastannyané mawit saking basa Jawa miwah nganggén aksara Sansekerta. Sri maarti sunar utawi caya sané masunar. Nika wantah wastan sané kasub majeng anak istri Jawa. Mulyani mawit saking kruna Mulya sané maarti berharga. Indrawati mawit saking kruna Indra miwah pangiring feminim -wati. Dané marabian sareng Tony Sumartono tur madué oka tigang diri.
Sri Mulyani ngamolihang gelar sarjana saking Universitas Indonésia ring warsa 1986. Lantas, dané ngamolihang gelar Master miwah Doctor ring bidang ekonomi saking University Illinois at Urbana-Champaign ring warsa 1992. Ring warsa 2001, dané mamargi ka Atlanta, Georgia tur makarya dados konsultas USAID (US Agency for International Development) mangda prasida memperkuat otonomi ring Indonésia. Dané taler ngajahin ekonomi Indonésia dados professor ring Andrew Young School of Policy Studies di Georgia State University. Saking warsa 2002 ngantos 2004 dané makarya dados diréktur eksekutif IMF ngangganin 12 negara Asia Tenggara. Ring warsa 2004, dané katunjuk dados Menteri Negara Perencanaan Pembangunan Nasional/Kepala Bappenas ring Kabinet Indonesia Bersatu.
Sri Mulyani wantah krama Indonésia kapertama sané makarya dados Diréktur Pelaksana Bank Dunia saking 1 Juni 2010. Dané kaangkat dados Menteri Keuangan ngentosin Bambang Brodjonegoro saking tanggal 27 Juli 2016. Ring warsa 2004, dané dados Menteri Negara Perencanaan Pembangunan Nasional/Kepala Bappenas saking Kabinet Indonésia Bersatu. Ring 5 Désémber 2005, rikala Présidén Susilo Bambang Yudhoyono nyobyahang perombakan kabinét, Sri Mulyani kapindahang dados Menteri Keuangan ngentosin Jusuf Anwar. Ring warsa 2008, dané dados Pelaksana Tugas Menteri Koordinator Bidang Perekonomian. Sri Mulyani ketah kabaos pengamat ekonomi ring Indonésia. Dané kaangkat dados Kepala Lembaga Penyelidikan Ekonomi miwah Masyarakat Fakultas Ekonomi Universitas Indonésia (LPEM FEUI) duk Juni 1998.
Dané kaangkat dados Menteri Keuangan ané pinih becik ring wewidangan Asia warsa 2006 olih Emerging Markets ring 18 Séptember 2006 ring Sidang Tahunan Bank Dunia miwah IMF ring Singapura. Dané taler kapilih dados anak istri berpengaruh ka-23 ring dunia versi Majalah Forbes warsa 2008 miwah anak istri pinih berpengaruh ka-2 ring Indonésia versi Majalah Globe Asia ring Oktober 2007.
This article uses material from the Wikipedia Bali article Sri Mulyani Indrawati, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Daging kasayagayang ring sor CC BY-SA 4.0 ritatkala nénten wénten uahan. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Bali (DUHOCTRUNGQUOC.VN) is an independent company and has no affiliation with Wiki Foundation.