Dramatari Gambuh
Gambuh punika wangun kuna drama tari Bali, sané sampun wénten ring abad ka-11, wit sasolahan puniki pinaka rangkepan sesolahan Jawa miwah Bali.
Kairingin olih gamelan gambuh. Gambuh mawit saking kruna Gam maartos mamargi, miwah Bhu maartos bupati utawi raja, punika mawinan gambuh maartos pamargi bupati utawi raja. Kanikayang dramatari puniki manados sumber saking kasenian sesolahan miwah gamelan ring Bali.
_%E2%80%94_11_arya.jpg) Balih-balihan Gambuh sané ngambarang arya | |
| Genre | Dramatari |
|---|---|
| Warsa | Abad ka-11 |
| Saking | Indonésia |
Sadurungné wantah kasolahang olih para lanang, mawinan sesolahan puniki kamargiang ring Pura, taler nénten akéh sané prasida manados pragina ri kala wénten anak istri sané cuntaka. Sané mangkin sampun akéh anak istri sané prasida taler sareng ring dramatari puniki, manawi ngrereh pragina anyar sané jagi nerusang kantun méweh mawinan sang pragina patut prasida ngartos miwah mabaosan basa Kawi. Ring warsa 2015, Dramatari Gambuh kadadosang Warisan Budaya Tak Benda.
Lelintihan
Gambuh punika silih tunggil wentuk pinih kuna ring seni balih-balihan Bali, Kruna Gambuh kapertama kabaosang ring lontar Candra Sengkala nganggén Basa Kawi sané nganikayang
| “ | Sri Udayana suka angetoni wang Jawaa mengigal, sira anunggalaken sasolahan Jawa mwang Bali, angabungaken ngaran Gambuh, kala iḉaka lawangngapit lawang Artos ipun: Sri Udayana seneng nyingakin wong Jawa masolah sané ngejangkepang sesolahan Jawa sareng sesolahan Bali, jangkepan punika kaaranin Gambuh, ring warsa ḉaka 929 utawi warsa 1007 Maséhi. | ” |
| — lontar Candra Sengkala | ||
Sumber liyané sané nikayang Gambuh ring Babad Dalem, inggih punika
| “ | Puput kedaton ring Samprangan, kedatwanira Dalem Wawu Rawuh, wangun Gambuh paara aryeng Majapahit ring Bali, sunia buta segara bumi. Artos ipun : Puput kraton ring Samprangan punika manados kraton saking Dalem Wawu Rawuh, karipta satunggal Gambuh olih para arya Majapahit sané meneng ring Bali ring warsa ḉaka 1350 utawi warsa 1428 Maséhi | ” |
| — Babad Samprangan | ||
Saking aab Majapahit untat (sawatara abad ka-15) akédik uwahan Gambuh sané kauningin.
| “ | ri kala tari-drama Majapahit rauh ring Bali, dané polih swadharma anyar ngalestariang tradisi dinasti sané runtuh | ” |
| — Emiko Susilo | ||
Daweg punika Gambuh punika wagian anyar saking seni balih-balihan Bali sané mingaruhin wentuk drama tari, sekadi Tari Topeng miwah Dramatari Arja. Mabad-abad seni puniki kadukung miwah kalindungin puri-puri ring Bali, ring galah punika Gambuh polih galah mas nyané. Rikala sistem puri runtuh ring yuda sareng Belanda, dukungan puniki rusak miwah akéh seni gambuh ical. Sekadi akéh kesenian liyané sané duk sané lintang wantah polih kalindungin krajaan, Gambuh polih dukungan krama nyané kasolahang ring upacara ring pura. Mawinan sistem puri sampun runtuh, gambuh puniki nénten wénten sané ngaryanin pakem miwah uger-uger nyané, selanturné désa sané sekaa gambuh nyané kantun aktip, meduwé pakem, uger-uger miwah pabaosan sané metiosan sareng désa liyané, asapunika mawit saking kawikanan para pragina ring désa soang-soang.
Sané mangkin Gambuh makénkén ical. Ring warsa 1997, Susilo nilik, akéh nyané minab wantah wénten petang sekaa sané masolah antuk manutin uger-uger Gambuh. Nénten kasub punika taler ring pragina Bali. Sesolahan miwah gamelan ipun méweh; pebaosan nyané patut ririh mabasa Kawi. Galah sesolahan nyané lantang lan, nénten sekadi balih-balihan wayang, sané wénten tuntunan antuk sang sané nyingakin.
Lakon
Ngajangkepang sesolahan, gamelan, miwah drama, gambuh manutin akéh sané nyolahang satua Malat, rangkaian gaguritan indik Putraraja Jawa Raden Panji, tumitisan Wisnu. Ring wengi pawiwahan ipun, ida kapisah sareng calon ipun, Candra Kirana, ngawitin satua kalih matresna ngerereh satunggal sareng liyané ring galah ngawarsa-warsa miwah ring akéh wewengkon ring Jawa abad patengahan. Dané ring untat matemu ring medan yuda, nguningin satunggal sareng liyané antuk panyamaran dané, miwah urip rahayu nganti padem. Tokoh liyané rumasuk prajuru jaksa miwah parekan ipun. Tokoh alus mabaos ring basa Kawi, basa sastra kuna, sané kasalin antuk sang sané nyingakin ring basa Bali kontemporér olih tokoh parekan ipun. Lakon sané tiosan sareng satua Panji inggih punika Ranggalawé, Damar Wulan Undakan Pengrus, Ni Diah Tantri, Pakang Raras, Cupak Gerantang miwah Amad Muhamad sané manados karya pinih untat sesampun karuntuhan Majapahit, punika situnggil satua Islam.
Gamelan gambuh
Satunggal gamelan gambuh sané jangkep kadagingin olih 17 panggambel antuk ngiringin darmatari puniki. Instrumén utama ring balih-balihan gambuh punika suling tiing sané pélog ipun endep kaaranin suling gambuh, lantang ipun riantara 75 miwah 100 cm taler diaméter nyané 4 miwah 5 cm. Ketah nyané wénten petang suling sekadi punika, menawi prasida wantah kalih utawi enam suling. Suling gambuh kamainang lagu antuk rebab taler instrumén perkusi nyarengin swara antuk makudang guru miwah lagu: gong madya, kajar, kalih kendang, klenang, gentorag, rincik, satunggal metalofon kaaranin kenyir, kangsi miwah gumanak. Tigang instrumen untat —kenyir, kangsi, miwah gumanak- sané mangkin nénten wénten ring ansambél gamelan liyané ring Bali.
Sekaa
Gambuh kantun aktip wantah ring désa:
- Désa Kedisan miwah Désa Batuan (Gianyar)
- Padang Aji miwah Désa Budakeling (Karangasem)
- Désa Tumbak Bayuh (Badung)
- Désa Pedungan (Dénpasar)
- Apit Yéh (Tabanan)
- Désa Bungkulan, Désa Anturan miwah Désa Nagasepaha (Buléléng)
Galéri
_%E2%80%94_02_Condong_%26_Kawan-2.jpg)
_%E2%80%94_11_gambelan.jpg)
_%E2%80%94_24_JEFF_tukang_suling.jpg)
.jpeg)
Cingak malih
- Tari Bali
- Musik Bali
Pustaka
This article uses material from the Wikipedia Bali article Dramatari Gambuh, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Daging kasayagayang ring sor CC BY-SA 4.0 ritatkala nénten wénten uahan. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Bali (DUHOCTRUNGQUOC.VN) is an independent company and has no affiliation with Wiki Foundation.