«Батыр» хоккей клубы — Башҡортостандың Нефтекама ҡалаһында 2011 йылда Рәсәйҙә ойошторолған шайбалы хоккей буйынса йәштәр командаһы.
Ошо уҡ ҡаланан ЮХЛ-да сығыш яһаған «Торос» командаһының фарм-клубы. 2011—2016 йылдарҙа Йәштәр хоккей лигаһы беренселегендә ҡатнаша. Шунда ике тапҡыр бронза һәм бер тапҡыр көмөш миҙалдарын еңә. Ә 2016—2018 йылдарҙар Милли йәштәр хоккей лигаһының Көнсығыш конференцияһында уйнай, бер тапҡыр финалға сығып көмөш миҙалдарҙы яулай.
Батыр | ||
Ил: | Башҡортостан | |
---|---|---|
Ҡала: | Нефтекама | |
Нигеҙләнгән: | 2011 | |
Таратылған: | 2018 | |
Элекке исемдәре: | Торос 2 | |
Өй аренаһы: | Боҙ һарайы (2000 урын) | |
Төҫтәр: | ||
Аффилир-клубы: | Торос (ЮХЛ), Толпар (ЙХЛ) | |
Конференцияла еңеүҙәр: | 1 (2017/18) | |
Рәсми сайт: | http://www.hcbatyr.ru/ | |
Аффилир КМС: | БЮТ | |
|
2011 йылға тиклем Нефтекамала «Торос» командаһының «Торос-2» исемле йәштәр составы бар ине. 2006/07 йылдар миҙгелендә ул Рәсәй чемпионаты беренсе лигаһының Волга буйы дивизионында плей-оффта бер-бер артлы «Лада-2», «Нефтехимик-2» һәм «Газпром-Университет» командаларын еңә һәм дивизион чемпионы тип билдәләнә. 2008/09 миҙгелендә «Торос-2» буласаҡ чемпионға «Прогресс» хоккей клубына ярымфиналда еңелә. Киләһе йылда беренсе этапты беренсе урында тамамлай, икенсе этапта Салауаттан «Юрматы» хоккей клубынан һуң икенсе урында була. Ә плей-оффтың ярымфиналында «Нефтяник-2» командаһына еңелә. Үҙенең һуңғы йылында «Торос-2» сирекфиналда «Юрматы» командаһына серияла 1-3 иҫәбе менән отола.
2011 йылдың йәйендә Йәштәр хоккей лигаһы беренселеге барлыҡҡа килә. Шунда күбеһенсә ЮХЛ командаларының фарм-клубтары була. «Торос» үҙенең көйәрмәндәренә йәштәр составы өсөн яңы исем уйларға тәҡдим итә. Һөҙөмтәлә «Торос-2» нигеҙендә «Батыр» исемле команда килеп сыға. Шулай уҡ варианттар араһында «Айсберг», «Дикие Пчелы» һәм «Лавины» тигәндәр була. Яңы команданың баш тренеры итеп «Толпар» тренер штабында эшләгән Константин Полозов ҡуйыла.
2011 йылдың 20 сентябрендә ЙХЛ беренселегенең Асыш уйынында Нефтекамала «Батыр» хоккейсылары «Ирбис» менән уйнайҙар,, буллитар серияһында 1:0 иҫәбе менән еңеп, Нефтекама хоккейсылары үҙ тарихында тәүге трофей — «Асыш кубогын» яулайҙар. Кубокты ЙХЛ идара директоры Дмитрий Ефимов ҡулынан «Батыр» капитаны Кирилл Байбурин ала. Даими чемпионатта команда дүртенсе урынды ала. Региондар кубогы өсөн плей-оффта «Батыр» серияла 3-0 иҫәптәре менән «Клин» һәм «Юниорс» хоккей клубтарын бәйгенән төшөрөп ҡалдыра. Ярымфиналда Бердск ҡалаһынан «Кристалл» командаһына еңелә һәм бронза миҙалдары өсөн көрәштә «Дизелист» командаһын ота.
2012/13 йылдар миҙгелендә «Батыр» даими чемпионат һөҙөмтәләре буйынса ЙХЛ беренселегенең дөйөм таблицаһында 11-се урынды ала. 37 мәрәй менән Андрей Харламов команданың бомбардиры була. Региондар кубогында Нефтекама хоккейсылары тәүҙе «Красноярские Рыси», ә аҙаҡтан «Ирбис» хоккей клубтарын серияла 3-1 иҫәбе менән ота. Ошондай уҡ һөҙөмтә менән Әлмәттән «Спутник» командаһына ҡаршы ярымфинал серияһы тамамлана. Ә финалда Полозов егеттәре Ҡурғандан «Юниор» хоккей клубына отола һәм тәү тапҡыр ЙХЛ беренселегенең көмөш миҙалдарын еңә. «Батыр» был плей-оффта һәр бер серияһын дүрт уйында тамамлай, ул тәүге уйында отолһа — бөтә серияны еңә. 2013/14 йылдар миҙгелендә Башҡортостан командаһы Көнсығыш конференцияһында даими чемпионатты бишенсе урында тамамлай. Плей-оффтың тәүге раундында «Алтайские Беркуты» командаһын серияла 3-0 (4:3 Б, 4:3, 4:2) иҫәбе менән ота. Ә киләһе раундта «Мечел» хоккей клубына шул уҡ өс уйында отола һәм бәйгенән төшөп ҡала.
2014/2015 йылдар миҙгелендә «Батыр» конференцияла даими чемпионат һөҙөмтәләре буйынса өсөнсө урынды ала. Даими миҙгел барышында команданың баш тренеры алмашына: Константин Полозов «Торос» хоккей клубын етәкләй, ә уны Игорь Жилинский алмаштыра. Региондар кубогы өсөн көрәште Нефтекама хоккейсылары «Молот» командаһын өс уйында еңеп башлай. Сирекфиналда «Батыр» Силәбенән «Мечел» хоккей клубын дүрт уйында отһа, ярымфиналда ул буласаҡ чемпионға «Россошь» хоккей клубына серияла 1-3 иҫәбе менән отола һәм икенсе тапҡыр бронза миҙалдарҙы яулай. ЙХЛ беренселегең һуңғы миҙгелендә «Батыр» һуңғы мәлдә генә плей-офф уйындарына эләгә ала һәм даими чемпионатты Көнсығыш конференцияһында һигеҙенсе урында тамамлай. Региондар кубогының беренсе раундында Башҡортостандан тағы бер командаға, был миҙгелдең буласаҡ чемпионы «Горняк» командаһына серияла 1-3 иҫәбе менән отола. «Батыр» — ЙХЛ беренселегенең һәр биш миҙгелендә плей-оффта ҡатнашҡан өс команданың береһе.
2016 йылда ЙХЛ беренселеген Милли йәштәр хоккей лигаһы алмаштыра. Шул уҡ ваҡытта «Батыр» үҙенә яңы баш тренер итеп Борис Тимофеев ҡуйыла. Нефтекама командаһы конференцияны дүртенсе урында тамамлай. Плей-оффтың беренсе раундында «Красноярские Рыси» хоккей клубын 3-2 иҫәбе менән ота. Ә конференцияның ярымфиналында Башҡорт дербиһында ул «Горняк» хоккей клубына шул уҡ биш уйында отола. 5 июлдә баш тренер итеп Александр Агеев ҡуйыла, ә Борис Тимофеев уның ярҙамсыһы була.
2017/2018 йылдар миҙгелендә «Батыр» конференцияла икенсе урынды яулай. Плей-оффта конференция сирекфиналында Медногорскиҙан «Южный Урал-Металлург» 3-1 иҫәбе менән отола. Ә Көнсығыш конференцияһы финалында «Красноярские Рыси» менән серияны 3-2 иҫәбе менән еңә. «Батыр» икенсегә Региондар кубогы финалына һәм тәүгегә МЙХЛ финалына сыға. Шунда үткән миҙгелдең финалсыһы Пензанан «Дизелист» хоккей клубына еңелә һәм көмөш миҙалдарҙы яулай. Ошо миҙгелдән һуң команда таратыла һәм бер ҡайҙа ла сығыш яһамай.
Миҙгел | У | Е | ӨВЕ | БСЕ | БСО | ӨВО | О | Ш | М | ДУ |
---|---|---|---|---|---|---|---|---|---|---|
2011/12 | 36 | 25 | 1 | 3 | 1 | 0 | 6 | 156—85 | 84 | 4 |
2012/13 | 44 | 21 | 2 | 6 | 1 | 0 | 14 | 149—105 | 80 | 11 |
2013/14 | 38 | 20 | 1 | 4 | 1 | 1 | 11 | 132—91 | 72 | 9 |
2014/15 | 52 | 27 | 2 | 5 | 2 | 5 | 11 | 151—120 | 102 | 6 |
2015/16 | 40 | 14 | 1 | 1 | 2 | 0 | 22 | 128—150 | 48 | 16 |
Бөтәһе | 210 | 107 | 7 | 19 | 7 | 6 | 64 | 716-551 | 386 |
Иҫкәрмәләр: У — уйындар һаны, Е — төп ваҡытта еңеүҙәр, ӨВЕ — өҫтәмә ваҡытта еңеүҙәр, БСЕ — булиттар серияһында еңеүҙәр, ӨВО — өҫтәмә ваҡытта отолоуҙар, БСО — буллитар серияһында отолоуҙар, О — төп ваҡытта отолоуҙар, Ш — шайбалар, М — мәрәйҙәр, ДУ — даими миҙгелдә урыны
Миҙгел | У | Е | ӨВЕ | БСЕ | БСО | ӨВО | О | Ш | М | ДУ | Һөҙөмтә |
---|---|---|---|---|---|---|---|---|---|---|---|
2016/17 | 48 | 22 | 1 | 0 | 1 | 0 | 24 | 184—190 | 69 | 11 | Конференция сирекфиналында еңәләр, 3-2 («Красноярские Рыси») Конференция ярымфиналында еңеләләр, 2-3 («Горняк») |
2017/18 | 32 | 16 | 0 | 0 | 2 | 1 | 13 | 104—90 | 51 | 9 | Конференция ярымфиналында еңәләр, 3-1 («ЮУ-Металлург») Конференция финалында еңәләр, 3-2 («Красноярские Рыси») Финалда еңеләләр, 0-3 («Дизелист») |
Бөтәһе | 80 | 38 | 1 | 0 | 2 | 1 | 37 | 288-280 | 120 |
«Батыр» үҙенең уйындарын Нефтекаманың боҙ һарайында үткәрә. Башҡортостан Республикаһында яһалма боҙ менән Өфөнән башҡа ҡалалар араһында иң ҙур спорт төҙөлмәһе 2007 йылда төҙөлә. Ул Нефтекаманың Ленина урамы 19Д адресы буйынса урынлашҡан. Һарайҙың һыйҙырырлығы — 2000 тамашасы. Трибуналар өс стена буйлап урынлашҡан, дүртенсеһе табло һәм комментаторҙар өсөн урындарға бирелгән. Һарай хоккей уйындарын, хоккей күнегеүҙәрен, конькиҙа шыуыу һәм концерттар үткәрер өсөн ҡулланыла. Был спорт һарайында тағы ла «Торос» уйнай.
«Торос» командаһының бөтә тренерҙары:
|
Был мәғлүмәт 2018 йылдың 30 апреленә ҡарата күрһәтелгән
Ҡапҡасылар | |||
№ | Ил | Исем | Тыуған йыл |
---|---|---|---|
49 | Дмитрий Брагинский | 13 апрель, 2000 | |
50 | Павел Лавриненко | 18 декабрь, 1997 | |
70 | Әнүәр Сөләймәнов | 3 март, 2000 | |
Һаҡсылар | |||
№ | Ил | Исем | Тыуған йыл |
4 | Азат Мөхөтдинов | 29 ғинуар, 1999 | |
57 | Алмаз Хәйернасов | 8 апрель, 1997 | |
63 | Артем Сәмиғуллин | 19 ғинуар, 1998 | |
65 | Денис Ермошенко | 14 май, 1997 | |
74 | Яков Колосов | 16 декабрь, 1999 | |
80 | Семен Росляков | 10 август, 2000 | |
81 | Данис Муратов | 23 май, 1997 | |
83 | Никита Голощапов | 1 июнь, 2000 | |
88 | Владимир Паюл | 29 сентябрь, 1997 | |
94 | Илья Шкибтан | 6 октябрь, 2000 | |
Һөжүмселәр | |||
№ | Ил | Исем | Тыуған йыл |
21 | Егор Старцев | 21 апрель, 1997 | |
24 | Тимур Равилов | 15 апрель, 1997 | |
25 | Никита Идиуллин | 16 апрель, 1998 | |
35 | Евгений Репин | 28 ғинуар, 2000 | |
42 | Арсен Ғиндуллин | 16 июль, 1997 | |
43 | Ришат Ғалимов | 29 июль, 1998 | |
52 | Александр Янчук | 16 июль, 1997 | |
55 | Денис Гуменюк | 4 июнь, 2000 | |
64 | Артем Попитич | 22 февраль, 1998 | |
67 | Арсланбәк Хузин | 10 апрель, 1999 | |
73 | Алексей Богданов | 12 февраль, 1997 | |
79 | Арыҫлан Әхмәтйәнов | 20 ғиунар, 1997 | |
85 | Амаль Ғалимйәнов | 8 июнь, 2000 | |
86 | Егор Чупров | 5 апрель, 1999 | |
87 | Денис Исмәғилов | 27 ғинуар, 2000 | |
97 | Егор Агеев | 30 май, 2000 | |
98 | Андрей Кузнецов | 8 август, 2000 |
«Батыр» командаһының бөтә капитандары:
This article uses material from the Wikipedia Башҡорт article Батыр (хоккей клубы), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Башҡа шарт булмаһа, CC BY-SA 4.0 лицензияһына ярашлы, эстәлек менән һәр кем файҙалана ала. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Башҡорт (DUHOCTRUNGQUOC.VN) is an independent company and has no affiliation with Wiki Foundation.