Саҙретдинов Миңлеғәле Ғизетдин Улы: Бөйөк Ватан һуғышы яугиры
Саҙретдинов Миңлеғәле Ғизетдин улы (рус. Садретдинов Минигали Гизитдинович; 30 май 1924 йыл — ?) — Бөйөк Ватан һуғышы ветераны, 1-се дәрәжә һәм 2-се дәрәжә Ватан һуғышы ордены кавалеры, Дәүләкән районы мәғариф бүлеге мөдире (1954—1959), СССР-ҙың юғары мәктәп отличнигы, тарих фәндәре кандидаты.
| Саҙретдинов Миңлеғәле Ғизетдин улы | |
| Зат | ир-ат |
|---|---|
| Гражданлыҡ |  СССР.svg){kind=small} РСФСР Рәсәй |
| Тыуған көнө | 30 май 1924 (99 йәш) |
| Тыуған урыны | Ташлы-Шәрип, Имай-Ҡарамалы ауыл Cоветы (Дәүләкән районы), Дәүләкән районы |
| Һөнәр төрө | университет уҡытыусыһы |
| Биләгән вазифаһы | доцент[d] |
| Уҡыу йорто | Башҡорт дәүләт университеты М. В. Ломоносов исемендәге Мәскәү дәүләт университеты аспирантура[d] тарих фәндәре кандидаты[d] |
| Һуғыш/алыш | Бөйөк Ватан һуғышы ветераны[d] |
| Маҡтаулы исемдәре һәм башҡа бүләктәре |    |
Биографияһы
Миңлеғәле Ғизетдин улы Саҙретдинов 1924 йылдың 30 майында Башҡорт АССР-ының Бәләбәй кантоны (хәҙерге Башҡортостан Республикаһы Дәүләкән районы) Ташлы-Шәрип ауылында тыуған.
1941 йылда урта мәктәпте тамамлағас, мәктәптә физика, математика уҡытыусыһы булып эшләй.
1942 йылда фронтҡа китә. 1943 йылдың башында Төньяҡ фронтҡа Северодвинск районы Молотовск ҡалаһына ебәрелә. Сержант дәрәжәһендә бүлек командиры булып хеҙмәт итә. 1943 йылдың аҙағында Калинин фронтына күсә. Калининград һәм Смоленск өлкәләрен азат итеүҙә ҡатнаша.
1943 йылда Смоленск өсөн барған ҡаты һуғышта ауыр яралана. Фашистарҙан яңы азат ителгән Калининград ҡалаһына эвакогоспиталгә ебәрелә, артабан Ҡытай сигендәге Сретенск ҡалаһындағы госпиталдә дауалана.
1944 йылдың ноябрь айында тыуған яғына ҡайта. Һаулығын бер аҙ нығытҡас, военкомат йүнәлтмәһе менән Дәүләкән ҡалаһының икенсе һанлы мәктәбендә военрук булып эшләй башлай.
1945 йылдың август айында шул уҡ ҡаланың өсөнсө һанлы мәктәбенә күсә. Тиҙҙән район комсомол комитетының беренсе секретары итеп һайлана. Ситтән тороп К. А. Тимирязов исемендәге педагогия институтының тарих факультетын тамамлай.
1954—1959 йылдарҙа Дәүләкән районының мәғариф бүлеге мөдире булып эшләй. Мәскәү дәүләт университеты эргәһендәге аспирантураны тамамлай, Башҡорт дәүләт университетында уҡыта, доцент.
Маҡтаулы исемдәре һәм башҡа бүләктәре
- 1-се дәрәжә Ватан һуғышы ордены (1985)
- 2-се дәрәжә Ватан һуғышы ордены (1972)
- СССР-ҙың юғары мәктәп отличнигы
Шулай уҡ ҡарағыҙ
Иҫкәрмәләр
Һылтанмалар
- Давлекановский район. «Наши славные педагоги». — Уфа: «Валькирия», 2016 г.. — С. 41.
- Память Народа. Садретдинов Минигали Гизитдинович
| «Шәхестәр» порталы |
This article uses material from the Wikipedia Башҡорт article Саҙретдинов Миңлеғәле Ғизетдин улы, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Башҡа шарт булмаһа, CC BY-SA 4.0 лицензияһына ярашлы, эстәлек менән һәр кем файҙалана ала. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Башҡорт (DUHOCTRUNGQUOC.VN) is an independent company and has no affiliation with Wiki Foundation.