Мусин Рәзил Ситдиҡ улы (рус. Мусин Разил Ситдикович) (20 июль 1943 йыл — 9 март 1994 йыл) — совет һәм партия эшмәкәре, 1994 йылдан Дүртөйлө ҡалаһы һәм Дүртөйлө районы администрацияһы башлығы, Башҡортостан Республикаһының Юғары советы рәйесе.
1990 йылдың 11 октябрендә БАССР-ҙың уникенсе саҡырылыш Юғары Советының өсөнсө сессияһында республиканың дәүләт суверенитеты тураһында Декларация ҡабул иткән Башҡорт АССР-ының 12-се саҡырылыш Юғары Советы депутаты.
Мусин Рәзил Ситдиҡ улы | |
Тыуған көнө | 20 июль 1943 |
---|---|
Тыуған урыны | Иғмәт, Илеш районы, Башҡорт АССР-ы, РСФСР, СССР |
Вафат булған көнө | 9 март 1994 (50 йәш) |
Биләгән вазифаһы | Башҡортостан Республикаһының халыҡ депутаты |
Уҡыу йорто | Башҡорт дәүләт аграр университеты |
Мусин Рәзил Ситдиҡ улы 1943 йылдың 20 июлендә Башҡорт АССР-ының Илеш районы Иғмәт ауылында тыуған. Милләте буйынса башҡорт, юғары белемле — 1965 йылда Башҡортостан ауыл хужалығы институтын тамамлаған.
Хеҙмәт юлын 1960 йылда Илеш районы Ульянов исемендәге колхозда колхозсы булып башлай. Институтты тамамлағас колхозда агроном, рәйес урынбаҫары, колхоз рәйесе булып эшләй. 1975 йылдан Дүртөйлө районы башҡарма комитеты рәйесе, 1975 йылдан КПСС-тың Башҡоpтостан өлкә комитеты инструкторы. 1979—1988 йылдарҙа КПСС-тың Дүртөйлө райкомының беренсе секретары, 1989 йылдан партияның Дүртөйлө ҡала комитетының беренсе секретары.
1990—1993 йылдарҙа Башпромбанк акционер йәмғиәтенең Дүртөйлө филиалы директоры. 1994 йылдан Дүртөйлө ҡалаһы һәм Дүртөйлө районы администрацияһы башлығы. Башҡортостан Республикаһының Юғары совекты рәйесе.
Мусин Рәзил Ситдиҡ улы 1994 йылдың 9 мартында фажиғалы рәүештә вафат була.
Дүртөйлө районы 201-се Әсән һайлау округынан Башҡорт АССР-ының 12-се саҡырылыш Юғары Советының халыҡ депутаты итеп һайлана.
Хеҙмәт Ҡыҙыл Байраҡ ордены, миҙалдар
Дүртөйлө ҡалаһында Рәзил Мусин исемен йөрөткән урам бар.
This article uses material from the Wikipedia Башҡорт article Мусин Рәзил Ситдиҡ улы, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Башҡа шарт булмаһа, CC BY-SA 4.0 лицензияһына ярашлы, эстәлек менән һәр кем файҙалана ала. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Башҡорт (DUHOCTRUNGQUOC.VN) is an independent company and has no affiliation with Wiki Foundation.