Бөтә донъя сиған теле көнө сиған телен, мәҙәниәтен һәм мәғарифен популярлаштырыуға булышлыҡ итә .
Ул 2009 йылдан башлап йыл һайын 5 ноябрҙә билдәләнә. Хорватия парламенты уны 2012 йылда рәсми рәүештә таный, ә ЮНЕСКО 2015 йылда 5 ноябрь көнөн бөтә Донъя сиған теле көнө тип иғлан итә. 2018 йылға ҡарата Европа Советының 16 дәүләт-ағзаһы сиған телен Европа төбәк телдәре йәки аҙсылыҡ телдәре хартияһына ярашлы аҙсылыҡ теле тип таный.
Бөтә донъя сиған теле көнө | |
Төп тема | сиған теле[d] |
---|---|
Йылдың көнө | 5 ноябрь |
2008 йылдың 5 ноябрендә Хорватияның башҡалаһы Загребта, тәүге сиған-хорват һәм хорват-сиған һүҙлегенең презентацияһы ваҡытында, бөтә донъянан сиған общинаһы вәкилдәре һәм хорват йәмәғәтселеге вәкилдәре 5 ноябрҙе Хорватия Республикаһында сиған теле Көнө тип иғлан иткән хартияға ҡул ҡуя. Әлеге һүҙлекте сиған ғалимы һәм сәйәсмәне Велько Кайтази яҙған. Хартияға ҡул ҡуйыу шул уҡ Велько Кайтази һәм «Кали Сара» хорват мәғариф ассоциацияһы тарафынан ойошторола. Хартияға 150-гә яҡын кеше ҡул ҡуя.
2009 йылда Загребта 3 ноябрҙән 5 ноябргә тиклем үткән сиған телен стандартлаштырыу һәм кодлаштырыу буйынса Бөтә донъя симпозиумы ваҡытында халыҡ-ара сиғандар союзы һәм Хорватияның «Кали Сара» рома мәғариф ассоциацияһы 5 ноябрҙе сиғандар йәшәгән бөтә илдәрҙә Бөтә донъя сиған телен таныу тураһында белдереү менән сығыш яһайҙар. Был ваҡиға шулай уҡ был датаның беренсе рәсми байрамын билдәләй.
Хорват парламенты бер тауыштан (122 тауыш менән) 2012 йылдың 25 майында 5 ноябрҙә Бөтә донъя сиған теле көнөн байрам итеү буйынса халыҡ-ара башланғысты хуплай һәм донъяла бындай ысул менән эшләгән беренсе парламент була. Ул шулай уҡ башҡа милли парламенттарҙы, халыҡ-ара институттарҙы һәм ойошмаларҙы, шулай уҡ донъялағы бөтә изге ихтыярлы кешеләрҙе инициативаға ҡушылырға саҡырҙы.
Хорватия тәҡдиме буйынса ЮНЕСКО 2015 йылда 5 ноябрҙе Бөтә донъя сиған теле көнө тип иғлан итә.
This article uses material from the Wikipedia Башҡорт article Бөтә донъя сиған теле көнө, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Башҡа шарт булмаһа, CC BY-SA 4.0 лицензияһына ярашлы, эстәлек менән һәр кем файҙалана ала. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Башҡорт (DUHOCTRUNGQUOC.VN) is an independent company and has no affiliation with Wiki Foundation.