یئرآلما کابابی
یئرآلما کابابی یوخسا یئرآلما کبابی اورمیه شهرینه عایید اؤزل بیر یئمکدیر.
 | |
| نووع | کاباب |
|---|---|
| یارادان اؤلکه |  ایران |
| منطقه | اورمیه |
| یئمک حرارتی | ایستی |
| اساس ماده‌لر | یئرالما ، سنگک، یومورتا ، تره ، کره و آیران |
 Cookbook: Yeralmakababı  Media: Yeralmakababı | |
تانیتیم
یئرآلما کابابی، ایراندا، باتی آذربایجان ویلایتی‌نین مرکزی، اورمیه شهری‌نین یئمک برندلریندن بیری‌دیر. یئرآلما یومورتا، اورمیه اهالیسی‌نین یانیندا و بو شهره گلن قوناقلارین باخیشیندا اؤنملی و یئمه‌لی و فرقلی یئمکلردن بیری ساییلیر. اورمیه‌ده خیابانلارین چوخوندا مخصوص وانتلرده و توکانلاردا یئرآلما کابابی موشتریلر اوچون ساتیلیر. بو شهرده یئرآلما کابابی آدیندا کوچه ده دیللر ازبری‌دیر. بو توکانلارین لاپ آدلیمی «حسن آیرانچی» ایله «سید» توکانی ایدی.
لازیم اولان مادّه‌لر
۱- تندیرده و یا دوز اوستونده بیشمیش یئرآلما
۲- ایستی سنگک چؤریی
۳- تره (گؤیرتی)
۴- کره
۵- بیبیر توزو
۶- دوز
بعضا یئرآلما یانیندا یومورتا کابابی دا آرتیریلیر و آیران ایله بیرگه یئییلیر. دئمک اولار آیران یئرآلما کابابی‌نین آیریلماز حیصه‌سی‌دیر. سیلقه‌یه گؤره شور خیار ایله ده یئمک اولار.
نئجه حاضیرلانیر
۱- اؤنجه بیر آلومینیوم یا میس قابلامایا لازیم اولان قدر دوز تؤکولور و یویولموش یئرآلمالاری اونون ایچینه قویولور. یئرآلمالار بیر بیری نین اوستونه دوشمه‌لی‌دیر. سونرا قابلامانی اوجاق اوسته قویوب ملایم شعله ایله کاباب اولمالارینی گؤزله‌یرلر. آرادا یئرآلمالارین بیشن یانلاری چئوریلمه‌لی‌دیر. یئرآلمالار تقریبا یاریم ساعاتا بیشرلر.
۲- یومورتالاری دوز اوستونده بیشیرمک ایسته‌ینلر اونلاری دا یئرآلمالاری ییرمی دقیقه اوجاق اوستونه قویاندان سونرا اونلارین یانینا قویا بیلرلر.
۳- یئرآلمالار ایله یومورتالار بیشندن سونرا قابلامادان چیخاریب سویارلار و ایستی سنگکدن بؤلوم اونون اورتاسیندا ازیب، تره، کره، دوز، بیبر، قیرمیزی بادیمجان و.. آرتیریب یئیرلر.
۴- دورمه‌یین یانیندا اورمونون یئرلی آیرانینی دا ایچرلر.
قایناقلار
This article uses material from the Wikipedia تۆرکجه article یئرآلما کابابی, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). عکسی بللیلشدیریلمزسه، ایچینده‌کیلر CC BY-SA 4.0 لیسانسی آلتیندادیلار. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki تۆرکجه (DUHOCTRUNGQUOC.VN) is an independent company and has no affiliation with Wiki Foundation.