میصر مملوک سولطانلیغی
مملوک سولطانلیغی (عربجه: سلطنة المماليك) ۱۲۵۰-نجی میلادی ایلدن ۱۵۱۷-نجی میلادی ایله‌جه ایّوبی‌لرین توشمه‌سیندن باشلایاراق عثمانلی ایمپیراتورلوغو ساغیندان میصر آچغیسیناجا، میصر، شام و حیجازدا گوجلو بیر سولطانلیق ایدی.
مملوک تورکلری بو سولطانلیغین سولطانلاری ایدیلر و باشقا تورک ائللری (قیپچاقلار و اوغوزلار) ایله بیرلیکده چرکس‌لار و گورجولر بو سولطانلیغین اوردو یاپی‌سین تشکیل وئرمیشدیلر. قیپچاق کؤکلی میصر مملوک‌لاری ایله چاغداش، اورتا آسیا دا آلتین اوردو خانلیق ائدیردی و بو ایکی دؤولت آراسیندا چوخ یاخین باغلانتی‌لار قورولموشدی.
مملوک سولطانلیغی سلطنة المماليك الدولة الترکیة | |||||||||||||
|---|---|---|---|---|---|---|---|---|---|---|---|---|---|
| ۱۲۵۰-نجی میلادی ایلین می آیینین ایکیسی–۱۵۱۷-نجی میلادی ایلین ژانویه‌سینین ایگیرمی ایکیسی | |||||||||||||
 میصر مملوک‌لارینین بایراغی | |||||||||||||
 میصر مملوک‌لار سولطانلیغی ۱۲۷۹-نجی میلادی ایل | |||||||||||||
| پایتخت | قاهره | ||||||||||||
| عۆموُمی دیللر | تورکجه، عربجه چر‌کس‌جه | ||||||||||||
| دین | ایسلام | ||||||||||||
| دؤولت | سولطانلیق | ||||||||||||
| سولطان | |||||||||||||
• ۱۲۵۰ | شجر الدر | ||||||||||||
• ۱۲۵۰-۱۲۵۷ | عزالدین آیبک | ||||||||||||
• ۱۲۶۰-۱۲۷۷ | رکن‌الدین بایبارس | ||||||||||||
• ۱۵۱۶–۱۵۱۷ | ایکینجی تومان‌بای | ||||||||||||
| تاریخی دؤنم | |||||||||||||
• المعظم توران‌شاه اؤلدورولمه‌سی | ۱۲۵۰-نجی میلادی ایلین می آیینین ایکیسی | ||||||||||||
• ایکینجی عثمانلی-مملوک ساواشی | ۱۵۱۷-نجی میلادی ایلین ژانویه‌سینین ایگیرمی ایکیسی | ||||||||||||
| |||||||||||||
| بوگون بیر حیصه‌سی | میصر، فیلیسطین، اوردون، لوبنان، لیبی، سوریه، تورکیه، سودان، سعودی عربیستان | ||||||||||||
مملوک سولطانلیغی‌نین تاریخی بحری مملوک‌لار و بورجی مملوک‌لار دؤنملرینه بؤلونور.
آد
مملوک‌لار ساغیندان سولطانلیغین رسمی آدی اولاراق ایشلنن لفظلرین بیری دؤولت الاتراک یا دؤولت الترک یا دؤولت الترکیة ایدی. عربجه قایناقلاردا بحری مملوک‌لار چاغی اۆچون بو آدلار یایغین دیر.
ادبیات
مملوک‌لار چاغیندا تورک ادبیاتی میصرده دگرلندی و بو دیلده چوخلو اثرلر یارادیلدی. بو اثرلرین چوخو شعر، تاریخ، دینی یازی و ساواش مهارتلری اوزره ایدی.
موغول و صلیبی‌لر قارشی‌سیندا ساواش‌لار
میصر مملوک‌لاری اؤز دؤنملرینین ایکی بؤیوک گوجی ایله ساواشمیشدیلار.
- موغول‌لار
- صلیبی‌لر
موغول‌لار ایله ساواش
مملوک‌لار ایله موغول‌لار آراسیندا ۱۲۶۰-نجی میلادی ایلین سپتامبر آیینین اۆچونده اوز وئرن ساواش، عین جالوت ساواشی آدی ایله تانینیر. بو ساواش‌دا موغول‌لار باشچی‌سی کیت بوغا و مملوک‌لار باشچی‌لاری سیف‌الدین قوتاز ایله رکن الدین بایبارس ایدیلر. عین جالوت ساواشی مملوک‌لارین قازانماسی ایله سونا چاتیب دیر. بو ساواش موغول‌لار ایله مملوک‌لار آراسیندا اوز وئرن ساواشلارین ایچینده ان آدلینی دیر اما تکجه اوز وئرن ساواش دگیل.
مملوک-موغول ساواشلاری:
- عین جالوت ساواشی
- حمص ایلک ساواشی
- حمص ایکینجی ساواشی
- ابلستین ساواشی
- وادی الخزندار ساواشی
- شقحب ساواشی
عین جالوت ساواشی تاریخین ایلک ال توپی (عربجه:مدفع) ایشلنن ساواشلاریندان دیر. بو ال توپلارینین دوزلتمه‌ک یولی، ۱۴-نجی میلادی یوزلوگون عربجه شیمی و ساواش اوزره اولان ال یازمالاری ایچینده، بوگونه چاتیب دیر.
صلیبی‌لر ایله ساواش
میصر مملوک‌لاری چاغیندا ایسلام توپراق‌لارینین چوخی صلیبی‌لر الیندن قورتولدی. صلیبی‌لر ایله ساواشلارین ان بؤیوک باشچی‌سی رکن الدین بایبارس ایدی.
بیرده باخ
قایناقلار
 | بو تورک تاریخی ایله باغلی مقاله، بیر قارالاما مقاله دیر. بونو گئنیشلندیرمکله ویکی‌پدیایا کؤمک ائده بیلرسینیز. |
گؤرونتولر
This article uses material from the Wikipedia تۆرکجه article مملوک سولطانلیغی (میصر), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). عکسی بللیلشدیریلمزسه، ایچینده‌کیلر CC BY-SA 4.0 لیسانسی آلتیندادیلار. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki تۆرکجه (DUHOCTRUNGQUOC.VN) is an independent company and has no affiliation with Wiki Foundation.