Kafir Günbəd Türbəsi – İranda, Qəzvinin Niyaq kəndi yaxınlığında yerləşən və inşa tarixi XII – XIII əsrlərə aid edilən türbə.
Kafir Günbəd türbəsi | |
---|---|
| |
Ölkə | İran |
Şəhər | Qəzvin |
Yerləşir | Niyaq kəndi |
Aidiyyatı | Böyük Səlcuq imperiyası |
Tikilmə tarixi | XII əsr |
Üslubu | Səlcuqlu memarlığı |
|
Türbə ümumilikdə səkkizbucaqlı quruluşa malikdir. Türbənin tinləri bayır tərəfdə qabarıq olub üzləri yelən kimi dövrələyir. İçəridə isə hər üzdə sivri tağça qurulmuşdur. Tağçaların üst əyri hissəsi ümumi səthdən bir az irəli çıxmışdır. Onların arasındakı tromplar günbəz oturacağının çevrəsinə keçidi təmin edir. İç məkan sferokonik günbəzlə örtülü olmuşdur. Qalıqlara əsasən araşdırmaçılar Kafir Günbəd türbəsinin səkkizüzlü piramida biçimli günbəzlə örtüldüyü qənaətindədirlər.
Kafir Günbəd türbəsinin iç və dış səthlərində bəzək izləri qalmamışdır. Bu abidəni Azərbaycanın digər səkkizüzlü türbələrindən fərqləndirən bir cəhət də onun üzlərində dünyanın dörd yönünə açılan qapı gözlərinin olmasıdır. Bu gözlərdən cənubda olanı sonradan qapadılaraq mehraba çevrilmişdir. Türbənin şərq üzünün qarşısında tağbənd qurmaqla baş giriş nəzərə çarpdırılmışdır. Bu abidənin ən alt hissəsi daş lövhələrdən, üst tutumu bişmiş kərpicdən (20x20x5 sm) ucaldılmışdır. Uçuqlar altında sərdabə qatının olduğu ehtimal edilir. Kafir Günbəd onunla eyni plan quruluşu olan Yusif Küseyir oğlu Türbəsi ilə müqayisədə ağır nisbətdədir.
This article uses material from the Wikipedia Azərbaycanca article Kafir Günbəd türbəsi, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Əksi qeyd olunmayıbsa, bu məzmun CC BY-SA 4.0 çərçivəsində yayımlanır. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Azərbaycanca (DUHOCTRUNGQUOC.VN) is an independent company and has no affiliation with Wiki Foundation.