Almaniya Əhalisi

Almaniya əhali sayına görə Avropa Birliyində ilk yerdədir. Almaniya birləşəndən sonra ilk dəfə 9 may 2011-ci ildə əhalinin ümumi siyahıya alınması keçirimişdir.

Almaniya Avropada əhalinin ən sıx yaşayan ölkələrindən biridir. Burada hər kvadrat kilometrə 229 nəfər düşür (2009), amma AFR-in xarakterik xüsusiyyəti əhalinin yayılmasının ölkə üzrə bərabər paylanılmamasıdır..

31 % əhali 100 000-dən çox sakini olan şəhərlərdə, 62 % əhali 2 000-dən 100 000-nə qədər sakini olan yaşayış məntəqələrində və şəhərlərdə, 7 % əhali 2000-dən az sakini olan yaşayış məntəqələrində yaşayır.

Almaniyada 6,75 milyondan çox xarici ölkə vətəndaşı yaşayır.

Onlardan:

• 1,749 mln. — türklər (bütün əcnəbi vətəndaşların 1/3-i və ümumi ölkə əhalisinin təxminən 2,4 %-i);
• 930 min. — keçmiş Yuqoslaviya respublikaları fətəndaşları;
• 187,5 min. — Rusiya vətəndaşları;
• 129 min. — Ukrayna vətəndaşları.

Milli tərkibinə görə ən böyük əcnəbi qrupu — türklərdir — ümumi əhalinin 2,4 %-i, keçmiş Yuqoslaviya respublikaları vətəndaşları — 0,9 %, italyanlar — 0,7 %, yunanlar — 0,4 %, polyaklar — 0,3 %, xorvatlar — 0,2 %, bosniyalılar — 0,25 % və Avstriya vətəndaşları — 0,2 %.