22 मार्च 2020 कय भिन्नही लगभग 6:24 बजे (सी.ई.टी) ज़ाग्रेब मा 5.4 या 5.5 कय बल पय भूकंप आवा। यकर केन्द्र क्रोएशियाम 3 किलोमीटर (1.9 मील) दक्खिन-पच्छु में औ 7 किलोमीटर (4.3 मील) उत्तर में फइला रहा। मेर्साली तीब्रता नाप पय यकर बल VII ( बहुतै मजबूत) नापा गै। इ 1880 कय भूकंप कय बाद से ज़ाग्रेब कय सबसे बलगर भूकंप रहा। भूकंप स्लोवेनियाओ में महसूस कीन गा रहा। भूकंप से कुल 27 मनई घायल भँय। इ भूकंप 2020 कय कोरोनावायरस महामारी कय समय मा आवा जवनेस सरकार कय बनावल सामाजिक दूराव कय उपाय कय लागू करेम समस्या पैदा भवा।
सुरु कय भूकंप कय सात घंटा कय भीत्तर 30 से ढेर झटका आय, वइसय तव भूकंप कय साथे जुड़ा झटकन कय गिन्ती 100 से ढेर रहा लेकिन वह में से ढेर 2.0 रेक्टर से कमजोड रहें। 26 मार्च कय अंतिम तक, भूकंप कय बाद 1.3 मेगावाट से ढेर या बराबर कय 106 झटका मिलें। जवनेम 8 कय तेज़ी 3.0 या ओसे ढेर रहा। क्रोएशिया कय भूकंपीय सेवा क अनुसार सबसे बड़ा 6:01 UTC मिनट में 4.8 मेगावाट कय घटना रहा।
Date | Time (UTC) | M | MMI | Depth | Ref. |
---|---|---|---|---|---|
२२ March | 05:29 | 3.0 | III-IV | १०.० किमी (६.२ माइल) | |
२२ March | 05:32 | 3.0 | III-IV | १०.० किमी (६.२ माइल) | |
२२ March | 06:01 | 4.8 | VI | १०.० किमी (६.२ माइल) | |
२२ March | 06:41 | 3.4 | IV-V | १०.० किमी (६.२ माइल) | |
२२ March | 08:04 | 3.0 | III-IV | १०.० किमी (६.२ माइल) | |
२२ March | 09:11 | 3.0 | III-IV | १०.० किमी (६.२ माइल) | |
२३ March | 10:12 | 3.3 | IV-V | १०.० किमी (६.२ माइल) | |
२४ March | 19:53 | 3.2 | IV | १०.० किमी (६.२ माइल) |
इ भूकंप में २६१९७ से ढेर घर नोकसान भय जवने में से १९०० घर रहै लायक नाइ रहि गय। भूकंप कय नाते कयु दाईं आग लाग औ कुछ जगहिन मा बिजुली औ इंटरनेट कय समस्या भै। सहर का गिरजाघर भहराइ गै। भूकंप से सहर कय बीचोबीच कय ढेर संग्रहालय कय नोकसानी भै। सहर भर मा जान-माल कय नोकसानी भै। सहर कय सबसे बड़ा सउरी अस्पताल कय खाली कइ दीन गै। यकरे बादे, 23 प्राथमिक बिद्यालय, 2 माध्यमिक बिद्यालय, 20 बिश्वबिद्यालय औ 18 संस्थानन कय भी नोक्सना कय सनेसा मिला। भूकंप से कुल 27 मनई घायल भयँ।
24 मार्च कय, क्रोएशिया कय राष्ट्रीय फुटबॉल टीम कय खेलाड़ि कुल राहत पहुचावैं की ताईं 4,200,000 क्रोएशियाई रकम दान दिहिन। इटली, स्लोवेनिया, हंगरी औ ऑस्ट्रिया टेंट, बिछौना गद्दा, हीटर औ स्लीपिंग बैग कय सहायता पठईन। 25 मार्च कय, इ घोषणा कीन गय कि सरकार कय सदस्य कुल, साथ मा क्रोएशिया कय राजदूत रॉबर्ट कोहर्स्ट पीड़ितन कय लाभ की ताईं आपन मार्च पेचेक कय छोड़ दिहिन औ संसद कय अध्यच्छ गोर्डन जैंड्रोकोविक्स संसद कय सदस्यन कय अइसन करैक नेवता दिहिन।
This article uses material from the Wikipedia अवधी article ज़ग्रेब भूकंप 2020, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). सामग्री CC BY-SA 4.0 के अधीन है जब तक अलग से उल्लेख ना किया गया हो। Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki अवधी (DUHOCTRUNGQUOC.VN) is an independent company and has no affiliation with Wiki Foundation.