Erinaceus Europaeus Poegol

Poegol Erinaceus europaeus
blisa katca / sulem
giltafa pulara
Bliind	Animalia
Dansok	Chordata
Volveydansok	Vertebrata
Pula	Mammalia
Volveypula	Theria
Tolvolveypula	Eutheria
Veem	Erinaceomorpha
Yasa	Erinaceidae
Volveyyasa	Erinaceinae
oxi
Erinaceus
Linnaeus, 1758
katca
Erinaceus europaeus
Linnaeus, 1758 kira Abrotce   22 - 27 cm- Aldo 1 kg- Ault 2.5 cm- Sinka broza is lewa is paxa is zverimi is ato is fay is enga
Tuveli icde Sulemopa

Gan Linnaeus bak 1758 taneon zo pimtayar.

Poegol gu edjaftol dile zo dojer. Poegol va mon 16000 olgaf is cuynaf imolk abrotcaf gu abice decemeametre sodir. Inafa malestura tir gedrapafa, kum beza is toka is broza is tovolam is salmey is zveriato is lewa is ruxasinka dum enga ik zae is nyul.

Poegol va zveri ok perake dile rodilfur : tuke puilesa lona, va zamyala milervoon dace rodekevalier. Ton keunira apcanyar, sotceson va puilexeem. Viele afizon tilder, puilexeem volson vadimon tuazekawer.

Kadimi koblira, poegoloc va puilexa ixam sodir. Bana puilexa leve alma batvieli zo palseyed enide bak nazbara va gadikya me di bakayad.

Ordafa tweria remmi fentugal me tir adalafa gu kenibapa : ede divefa yanka lev 2° C- titstir, pune poegol divmoder enide me di laxutaper.

Poegol va witcaja sodir voxen inafa pezitca isu gildetca sotid vonenapafa. Inaf pez tire sotir dalafa pestafa is tela logedelafa vila. Batkane va tcabanes sulem nope dakela grukaravotar abdida rovowir.

Sedme Mammal Species of the World (siatos ke 2005), bata katca vas 16 apta ruldar :

• Kotava winugaf moukolaf ravlemak (Kotava, Latinava, 2019)

Yaseem is oxieem ke Poegoldunol (Erinaceomorpha)

Poegol (Erinaceidae) ⇒ Poegol (Atelerix) • Poegol (Erinaceus) • Poegol (Hemiechinus) • Poegol (Mesechinus) • Poegol (Paraechinus) • Kwatikol (Echinosorex) • Kwatikol (Hylomys) • Kwatikol (Neohylomys) • Kwatikol (Neotetracus) • Kwatikol (Podogymnura)      Katceem is apteem ke Poegol (Erinaceus) Poegol (Erinaceus amurensis) | Poegol (Erinaceus concolor) ⇒ Poegol (Erinaceus concolor concolor) • Poegol (Erinaceus concolor rhodius) • Poegol (Erinaceus concolor transcaucasicus) | Poegol (Erinaceus europaeus) | Poegol (Erinaceus roumanicus) ⇒ Poegol (Erinaceus roumanicus roumanicus) • Poegol (Erinaceus roumanicus bolkayi) • Poegol (Erinaceus roumanicus drozdovskii) • Poegol (Erinaceus roumanicus nesiotes) • Poegol (Erinaceus roumanicus pallidus)