Kuksa Indigirka
Indigirka ( rossiavon Индигирка, yakutavon Индигиир ) tir bost valentrone Sibiria koe Saxa Sokasane ke Rossia.
| Indigirka | |||
| |||
| KIRA | |||
| Abrotce | 1 726 km- | ||
| Kuksaxo | 238 000 km² | ||
| Bost | Indigirka | ||
| Celack | 1 850 m³/v- | ||
| SALT | |||
| Klita | Tuora-Yuryax, Xalkan jaka | ||
| Artexo | Sibira Bira | ||
| Kovoapa | Kyuente, Kuydusun, Elgi, Selennyax, Ulyandina, Allaixa, Berelex, Nera, Moma, Badyarixa | ||
| TAWAVO | |||
| Patecta | Rossia | ||
Abrotcafa gu 1726 km-, dem bostxo vas 360 000 km² is celack vas 1 850 m³/v-. Va Sibira Bira ke Arktika Welfa konir.
Tawavopa
Klita ke Indigirka kovoon ice Tuora-Yuriax kuksa isu Tarin-Yuriax koe Xalkan jaka tigir. Salt tir lentaf koe Oymyakon azekexa lize Oymyakon wida ( ano fentaxo ke winta ) tigir, aze va Tcerski jaka koe abrotcafa vristafa krantoza beetcuson remnir. Bost wan lentnir, va naelafu ivamu gaber aze va Moma jaka remnir aze va azeka ke Ronefa Sibira artnir aze va Sibira Bira konir, tazukason va riskapa.
Za koe Ust-Nera va bost remenir. Arte toloyo xo Indigirka bost non tir rototan. Kaike rawistaxo kale Moma, totapa kal artexo rolapid.
Bostxo
Vegungafo bostxo tid roneon telo ke Alazeya bost, is geroneon telo ke Kolima, is geeon telo ke Oxota, ise talteon telo ke Yana.
Kovoa
Nelkafa kovoa ke Indigirka bost tid :
| Kotavaf yolt | Rossiavaf yolt | Abrotce ( km- ) | Kuksaxo ( km² ) | Domega |
|---|---|---|---|---|
| Kyuente | Кюэнте | 247 | 43 800 | Taltefa |
| Kuydusun | Куйдусун | 247 | 20 400 | Taltefa |
| Elgi | Эльги | 394 | 68 200 | Taltefa |
| Selennyax | Селеннях | 796 | 30 800 | Taltefa |
| Uyandina | Уяндина | 586 | 17 700 | Taltefa |
| Allaixa | Аллаиха | 563 | 12 400 | Taltefa |
| Byoryolyox | Бёрёлёх | 754 | 17 000 | Taltefa |
| Nera | Нера | 331 | 24 500 | Ronefa |
| Moma | Мома | 406 | 30 200 | Ronefa |
| Badyarixa | Бадяриха | 545 | 12 200 | Ronefa |
Lavopa
Vertuma ke Indigirka bost tir noldakorafa.
Tapugal ke bost va anyustoy aksat gitiskir, mali saneaksat kali alubeaksat ok dace teveaksat.
Bost zo rototan wali teveaksat is saneaksat moe 1154 km mal artexo kal kovoaxo ke Moma kuksa.
Patectoy
Indigirka bost va gola konir lize taiga aala tir felisa aze kadar aalafa ruga aze vanpir rugacka pok krimta. To ana fentafa gola ke winta tir, acum abica lava koe tapsid tigir numen ant ruxama rotatrid : to gazaxo ke tij is berdava is rucka is luc tir.
Sanelia
Mata sanelia koe Indigirka bostxo soker. Antafa widavama tid : Ust-Nera is Xonuu is Belaya Gora is Drujina is Tcokurdax is Tabor.
Ust-Nera bak Stalinugal zo zabduyur, wetce stanjuxo is Gulag pemaxo. Savera va monefo moavaxo va nelkafa tegisaca ke bata bumafa widavama tadler.
Dere rupel
 | Bost ke Rossia |
|---|---|
| Alazeya • Amur • Anabar • Anadir • Dnipro • Don • Indigirka • Kamtcatka • Kolima • Kuban • Lena • Mezen • Nadim • Narva • Nemunas • Neva • Ob • Olenyok • Onega • Oxota • Penjina • Petcora • Pur • Pyasina • Severnaya Dvina • Taymir • Taz • Terek • Uda • Ural • Volga • Xatanga • Yana • Yenisey | |
This article uses material from the Wikipedia Kotava article Indigirka (kuksa), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Le contenu est disponible sous licence CC BY-SA 4.0 sauf mention contraire. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Kotava (DUHOCTRUNGQUOC.VN) is an independent company and has no affiliation with Wiki Foundation.