Anadir ( rossiavon Ана́дырь ) tir bost valentrone Sibiria koe Tcukotka Winka ke Rossia.
Anadir | |||
| |||
KIRA | |||
Abrotce | 1 146 km- | ||
Kuksaxo | 191 000 km² | ||
Bost | Anadir | ||
Celack | 1 000 m³/v- | ||
SALT | |||
Klita | Anadir azekexa | ||
Artexo | Bering Bira | ||
Kovoapa | Tanyurer, Belaya-Yurumkuveem, Tcineyveem, Mayn, Yablon, Eropol | ||
TAWAVO | |||
Patecta | Rossia |
Abrotcafa gu 1146 km-, dem bostxo vas 191 000 km² is celack vas 1 000 m³/v-. Va Bering Bira ke Pacifika Welfa ton abrotcafa reca kadasa Anadir ceda konir.
Klita ke bost koe Anadir azekexa tigir. Inaf salt taneon geronnir aze kal Anadir ceda ke Bering bira ronnir.
Bostxo tir ruga kulafa gu ruxafa apta ise tir dem mata sanelia.
Remi lerdoy aksat, gola tir noldanafa isen voa tid tapanafa. Edje lava tir nuyafa, pune kipi ke bost tir rototani.
Anadirsk widava, i rictulaxo ke Tcukotka utca, kene reca ke bost tigir.
Vertuma ke Anadir bost tir azekafa noldakorafa. Laumay bak teveaksat bak bicugal. Cel va 4980 m³/v- koe Snejnoye zomer. Azon mali toza ke idulugal tuomar. Vugafa vwa tir vas 23.3 m³/v- bak balemeaksat.
Nelkafa kovoa ke Anadir bost tid :
Kotavaf yolt | Rossiavaf yolt | Abrotce ( km- ) | Kuksaxo ( km² ) | Domega |
---|---|---|---|---|
Tanyurer | Танюрер | 482 | 18 500 | Taltefa |
Belaya-Yurumkuveem | Бе́лая Юрумкувеем | 487 | 44 700 | Taltefa |
Tcineyveem | Чинейвеем | 252 | 4 400 | Taltefa |
Mayn | Майн | 475 | 36 800 | Ronefa |
Yablon | Яблон | Ronefa | ||
Eropol | Еропол | 261 | 10 700 | Ronefa |
Ubiyenka | Убиенка | 193 | 3 070 | Ronefa |
Bak 1648 Semyon Dejnyov va artexo ke Anadir bost artlapiyir radimida va krimta totason kenelapiyir. Va folkam ( ostrog ) ke titis Anadirsk banlize kolnayar. Bak 1649 vaticlapiyir aze va fentugalafo pemaxo poke noeltafa Markovo widavama exoneyer.
Remi direfa decemda, Anadir bost di tiyir tela keldacka mal Arktika Welfa kal Kamtcatka.
Bak 18-eafa decemda, gan Dmitri Laptev naelaf vestasik zo pimtayar.
► Vexala dem voapa ke Rossia
Bost ke Rossia | |
---|---|
Alazeya • Amur • Anabar • Anadir • Dnipro • Don • Indigirka • Kamtcatka • Kolima • Kuban • Lena • Mezen • Nadim • Narva • Nemunas • Neva • Ob • Olenyok • Onega • Oxota • Penjina • Petcora • Pur • Pyasina • Severnaya Dvina • Taymir • Taz • Terek • Uda • Ural • Volga • Xatanga • Yana • Yenisey |
This article uses material from the Wikipedia Kotava article Anadir (kuksa), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Le contenu est disponible sous licence CC BY-SA 4.0 sauf mention contraire. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Kotava (DUHOCTRUNGQUOC.VN) is an independent company and has no affiliation with Wiki Foundation.